بي بي سي پښتوټکی کام

	ماريوټ هوټل په 2003کال هم د موټر بم ديوې چاودنې له امله وران شوی و چې 12 تنه پکې وژل شوي و.

د راپورونو له مخې چاودنې د ريتز کارلټون او ماريوټ په مشهورو هوټلونو کې شوې چې 50 تنه نور يې ټپيان کړي دي .

دغه راز تر دغو چاودنو درې ساعته وروسته دښار په شمال کې درېيمه چاودنه هم شوې ده خو تر اوسه پورې يې دزيان په اړه معلومات نشته .

دجاکارتا د پوليسو په وينا په لومړيو دوو چاودنو کې د وژل شويو کسانو په منځ کې څلور تنه بهرنيان دي .

وروستي راپورونه يو وژل شوی بهرنی استرليايی او بل دنوي زيلاند تبعه بولي خو دپاتې دوو په اړه لا معلومات نشته .

په چاودنو کې دواړو هوټلونو ته ډېر زيان اوښتی دی خو تر اوسه پورې معلومه نه ده چې تر شا به يې دچا لاس وي .

ماريوټ هوټل په 2003کال هم د موټر بم ديوې چاودنې له امله وران شوی و چې 12 تنه پکې وژل شوي و.