رجب طيب اردوغان وويل د چين په شينګجيانګ ولايت کې بې رحمانه نښتې تقريباً عام وژنه ده .

هغه وويل د چيني هان قوم وګړو او د ترک نژاده اويغويريانو تر منځ نښتې بې رحمانه وې، او له يو ډول نسل وژنې سره پرتله کړي.

د چين حکومت وايي چې د تېرې يکشنبې په ورځ د شينګجيانګ په مرکز ارومچي کې 137 هان توکمه چينايان او 46 اويغوري مسلمانان وژل شوي او تر زرو زيات کسان ټپيان دي .

د ترکيې لومړي وزير رجب طيب اردوغان ويلي چې دغه تاوتريخوالی يو جنايت و، او د چين له حکومت يې غوښتي چې نظم او امن ټينګ کړي .

دا د ترکيې د لومړي وزير لخوا د سختې ژبې کارول دي ، چې په چين کې د ننه د دولت لخوا د عامو وګړو او قومي شخړو په وړاندې د يو عکس العمل بڼه لري .

رجب طيب اردوغان وويل د چين په شينګجيانګ ولايت کې بې رحمانه نښتې تقريباً عام وژنه ده .

هغه په ښکاره توګه وويل ايغوري مسلمانان چې ترک نژاده دي د ترکانو وروڼه دي .

	د چين حکومت وايي چې د تېرې يکشنبې په ورځ د شينګجيانګ په مرکز ارومچي کې 137 هان توکمه چينايان او 46 اويغوري مسلمانان وژل شوي او تر زرو زيات کسان ټپيان دي .

که څه هم هغه د وروستي تاوتريخوالي د راپورته کېدو په اړه پر کومه خوا تور ونه لګاوه.

د ترکيې په زياتره جوماتونو کې دا اوونۍ د جمعې د لمانځه پر مهال اويغوريانو ته پام اړول شوی و يا هم دا جمعه ورته وقف شوې وه .

د جمعې تر لمانځه وروسته د چين پر ضد ځينې لاريونونو هم وشول. په ترکيې کې ځينې داسې غوښتنې هم شوي چې له چين سره دې سوداګريزې اړيکې بندې کړای شي، ځکه د ترکيي چارواکو په وينا چين پر بشري حقونو تېری کړی دی .

خو حکومت داسې څه ندي ترسره کړي. په عوض کې يې ترکيې پر دې زور اچولی چې په چين کې روانو حالاتو ته د مهمې نړيوالې اجنډا بڼه ورکړي .

خو لومړی وزير طيب اردغان يوه له احتياطه ډکه لار غوره کړې ده .

نوموړي څو ورځې وړاندې ويلي که د اويغوري ټولنې تبعيد شوی مشرې رابعه قادر د ترکيې د ويزې غوښتنه وکړي نو دوی به يې ورکړي. مخکې د هغې لخوا د ترکيې د ويزې غوښتنه رد شوې وه.

چينايي چارواکي پر رابعه قادر او نور اويغوريانو تور لګوي چې د شينګجيانګ په نا آراميو او بلواوو کې لاس لري. او غواړي چې له هېواد څخه بېل شي.