هميم جلالزی له کابله

	فدايي: (( په ميدان وردګو ولايت کې د ترکيې د بيارغاونې ډله تقريباً په درو کلونو کې ١٥ ميليون ډلر لګولي، چې د سږني ٢٠٠٩ کال لپاره ٦٥ پروژې، چې نژدې شل ميليون ډالر لګښت پرې راځي، چې په دې کې به د سړکونو جوړول، کرنه او حکومتداري شامل وي، چې کار به يې ډېر ژر پيل شي . ))

دغو سفيرانو له نوموړي ولايت سره په بېلابېلو برخو کې د څه باندې پنځوس ميليونه ډالرو مرستې ژمنې کړې دي .

د ميدان وردګو والي محمدحليم فدايي وايي چې امريکايي سفير ايکنبيري ورته ډاډه ورکړی چې ميدان وردګ ولايت د دوی په لومړيتوبونو کې دی .

چارواکي وايي سفيرانو ورسره د ټاکنو د ښه تر سره کېدو په موخه د مرستې ژمنې کړې دي .

په ميدان وردګو ولايت کې د شاوخوا يونيم زر امريکايي سرتېرو له ځای پر ځای کېدلو وروسته دا لومړی ځل دی چې د امريکا سفير دغه ولايت ته سفر کوي .

دغه ولايت په دې وروستيو کې نا ارام ښوول کېږي او له همدې امله دولسمشر بارک اوباما د ستراتيژي له مخې افغانستان ته د نويو امريکايي سرتېرو د لومړيو جوپو يوه برخه هم همدلته ځای پر ځای شوه .

	له ميدان وردګو ولايت سره په ژمنه شويو پيسو به د دغه ولايت د کرنې، حکومتدارۍ او سړکونو په برخو کې ولګول شي.

د ميدان وردګ والي محمد حليم فدايي وايي دواړو سفيرانو د خپلو هېوادونو له لوري د څه باندې پنځوس ميليونه ډالرو مرستې ژمنې وکړې :

(( په ميدان وردګو ولايت کې د ترکيې د بيارغاونې ډله تقريباً په درو کلونو کې ١٥ ميليون ډلر لګولي، چې د سږني ٢٠٠٩ کال لپاره ٦٥ پروژې، چې نژدې شل ميليون ډالر لګښت پرې راځي، چې په دې کې به د سړکونو جوړول، کرنه او حکومتداري شامل وي، چې کار به يې ډېر ژر پيل شي . ))

ده وويل چې د امريکا سفير ورته ويلي چې ميدان وردګ ولايت د دوی په لومړيتوبونو کې دی او هڅه کوي چې د خلکو ستونزې يې هواري کړي .

په دې وروستيو کې له تاوتريخوالي سره د مبارزې په موخه په ميدان وردګو ولايت کې د عامه ساتنې په نوم يو نوی پوليسي ځواک جوړ شوی دی .

د ښاغلي فدايي په وينا دغه ځواک د امنيت په ټينګولو کې ډېر اغېزمن دی او د امريکا سفير له دغو پوليسو سره د کتنې پر مهال ويلي چې دغه پروګرام بايد نورو سيمو ته هم وغځول شي .

ها خوا بيا په افغانستان کې د بريتانيا او فرانسې سفيرانو سوېلي نا ارام ولايت هلمند ته سفر کړي دی چې دا مهال هم پکې د خنجر په نامه د مخالفينو پر ضد د بهرنيو او افغان ځواکونو ګډ پوځي عمليات روان دي .

دغو سفيرانو له سيمه ييزو چارواکو سره ژمنې کړې چې هېوادونه به يې په دغه ولايت کې د ټاکنو د ښه تر سره کېدو لپاره هلې ځلې او مرسته وکړي .