له 2001 کال راپدېخوا په هلمند ولايت کې د وژل شويو برتانوي سرتېرو شمېر 173 ته رسېږي .

په لندن کې د دفاع وزارت وايي دغه دوه سرتېري يې د هلمند د گرشک په ولسوالۍ کې په جلا جلا بريدونو کې وژل شوي دي .

وزارت زياتوي سرتېري يې د توغندي او ماين په چاودنو کې وژل شوي دي .

دفاع وزارت زياتوي چې دغه سرتېري يې تېره ورځ وژل شوي او د دوی کورنۍ يې د هغوی پر وژل کېدو خبرې کړې دي .

له 2001 کال راپدېخوا په هلمند ولايت کې د وژل شويو برتانوي سرتېرو شمېر 173 ته رسېږي .

له څو ورځو راهيسې په هلمند تر 700 ډېر برتانوي پوځيان اوسمهال له طالبانو سره په جګړې بوخت دي.

په دغو عملياتو کې نژدې 4000 امريکايي سرتېرو هم شرکت کړی دی .

په افغانستان کې د ايساف ځواکونو يوه تن وياند جنرال اريک ټريمبلي هم په هلمند کې د دوو برتانوي سرتېرو د وژل کېدو خبر ورکړی دی .

هلمند اوس هغه سيمه ده چې د طالبانو پر وړاندې په کي د امريکايي ، برتانوي او افغان ځواکونو لوى عمليات روان دي .