الياس وحدت له خوسته

د ژوبلو زده كوونكو عمرونه له 8 تر 15 كلونو ښودل شوي دي او زياتره يې د درملنې لپاره د خوست ملكي روغتون ته راوړل شوي دي .

د خوست د روغتياريس ډاكټر اميربادشاه رحمتزي له يوه ټپي پرته د نورو روغتيايي وضعيت ښه وباله .

ده وويل چې دوى ته 24 ټپيان وروړل شوي وو چې له نيمو زيات يې له درملنې وروسته رحصت او پاتې نور يې په روغتون كې بستر كړل .

د خوست د پوهنې رياست وياند سيدموسى مجروح وويل چې ماشومانو د ښوونځي په انګړ كې لوبې كولې چې د سيلۍ له لګيدو سره پرې چادر راولوېدل .

نوموړى وويل چې دغه وداني د پوهنې د پرمختګ پروګرام ( ايكوايف) په چوكاټ كې تازه نوې جوړه شوې او ځايي چارواكو لا په رسمي ډول تسليم كړي هم نه وه.

د خوست د پوهنې ريس پوهنمل عزيزاحمد هاشمي هم ويلي چې د پېښې اصلي په ناسم ډول د ودانۍ جوړيدل و.

ده وويل چې په خپله اداره كې يې د پلټنې څانګې ته د پېښې د لامل پيداكولو سپارښتنه كړې ده .

ظاهرآ د دې پېښې لامل توند باد ښودل شوى خو په سيمه كتونكي وايي چې د خصوصي شركتونو خاوندان ځينې ودانۍ، سړكونه او سربندونه دومره خراب جوړوي چې د لږ وخت له تېرېدا وروسته له كاره لوېږي او ځينې خو د يادې ودانۍ په څېر د مرګ ژوبلې د اړولو لامل هم وګرځي .

په ناسم ډول د جوړو شويو ودانيو، سړكونو ، سربندونو او پاركونو بېلګې په خوست كې لږې نه دي .