عبدالمالک عاصم له کابله

	WFP په خپل يوه رپوټ کې وايي چې له ٢ زره دغه ډول کورنيو سره يې له وړاندې د سلگونو ټنو خوراکي توکو مرسته کړې او په وينا يې دسلگونه ټنه نورې مرستې بهير روان دی .

تازه سيلابونه په بلخ ، فارياب ، بغلان او سمنگانو کې را غلي چې ويل کېږي په فارياب او سمنگانو کې يې د يوه ماشوم په گډون څلورتنه وژلي او گڼ کورونه يې وران کړيدي .

رپوټونه وايي چې تر سلو زيات کسان د تيرې يوې مياشتې په سيلابونو کې وژل شوي او په زرگونو کورونه ويجاړ شوي دي .

تازه سيلابونو د بغلان په پلخمري ، نهرين او يو شمير نورو ولسواليو او دارنگه د سمنگانو په ولايت کې په سلگونو جريبه د کرکيلې ځمکې وړې دي او د يو شمير سيمو لارې يې بندې کړې دي.

د سيلاب ځپلو مرستې ته اوس پر افغان حکومت او افغاني سرې مياشتې سر بېره ملگرو ملتونو او په افغانستان کې مېشتو نړيوالو ځواکونو هم وردانگلي دي .

په دې وروستيو کې د افغانستان په ټولو شمالي ولايتونوکې پرلپسې سختو سيلابونو لسگونه کسان وژلي او په زرگونو کورونه او زرگونه جريبه کرنيزه ځمکه يې ويجاړه کړې ده .

د ټولو زيانونو دقيقه شمېره تر اوسه نه ده معلومه خو دافغان حکومت په خواکې د ملگرو ملتونو د خوړو نړيوال سازمان (WFP)هم دغو سيلاب ځپلو ته د مرستو د ور رسولو خبر ورکړى .

WFP په خپل يوه رپوټ کې وايي چې له ٢ زره دغه ډول کورنيو سره يې له وړاندې د سلگونو ټنو خوراکي توکو مرسته کړې او په وينا يې دسلگونه ټنه نورې مرستې بهير روان دی .

د ملگرو ملتونو خوراکي سازمان دغه يو مياشتنى رپوټ ښيي چې په روان زيږدي کال کې به دغه اداره له نژدې اته ميليون وگړو سره د څه باندې ٣ سوه زره ټنه خوراکي توکومرسته وکړي .