|
پرجنوبي وزيرستان هوايي بريد شوی
|
|||||||||||||||||||||||||||||||||||||||||||||||||||||||||||||||||||||||||||||||
پاکستان ويلي چې په غالب ګمان د امريکا بې پيلوټه الوتکې د جنوبي وزيرستان مرکز واڼه ته څېرمه د ژيړ نور په سيمه توغنديز بريد
کړی دی .
ويل کېږي چې په دغه بريد کې، چې نن (يکشنبه، د اپرېل 19مه) د ورځې شاوخوا يوولس بجې وشو، پنځه کسان ټپيان شوي . په بريد کې د يوه کور او يوه ګاډي په بشپړ ډول د له منځه وړلو خبر هم ورکړل شوی دی . رپوټونه وايي چې بريد د بيت الله مسعود د جنګياليو پر يوه پټنځي افغان پولې ته څېرمه په ژيړ نور سيمه کې شوی دی . دا په داسې حال کې ده، چې تېره ورځ د دغه هېواد په شمال لوېديځ هنګو کې د پوليسو د تلاشۍ يوې پوستې ته څېرمه په يوه ځانمرګي بريد کې لسګونه پاکستاني پوليسو ته مرګ ژوبله واوښته . د پروني ځانمرګي بريد پړه پاکستاني طالبانو پرغاړه واخيسته . د واڼه يوه دولتي چارواکي شهاب علي شاه رسنيو ته ويلي چې دا د امريکا د بې پيلوټه الوتکې توغنديز بريد و . امريکا وايي چې جنوبي وزيرستان د القاعده جنګياليو او طالب اورپکو د پټنځايونو اصلي مرکز او د روزنې مرکز دی . د امريکا د بې پيلوټه الوتکو توغنديزو بريدونو پاکستان اندېښمن کړی او دا د اورپکو د ځپلو سمه لاره نه ده بللې . پاکستاني چارواکو په وار وار له امريکا غوښتي چې پرقبايلي سيمو کې توغنديز بريدونه نه کوي . په دغو بريدونو کې تر نيمايي ډېر ولسي وګړو ته مرګ ژوبله اوړي . خو واشنګټن لاهم ټينګار کوي چې د اورپکو اصلي مرکز پاکستان او په تېره بيا افغان پولې ته څېرمه قبايلي سيمې دي . |
ورسره تړلي نور خبرونه
پاکستاني پوځ : واڼه مو له اورپکو ونيوه13 اپريل, 2009 | خبرونه
پاکستان: بې پيلوټه الوتکې 12 اورپکي ووژل01 اپريل, 2009 | نړۍ
وزيرستان: امريکايي بريدونو اووه کسان ووژل02 مارچ, 2009 | خبرونه
پاکستان: امريکا پر کرمه ايجنسۍ هوايي بريد کړی16 فبروري, 2009 | خبرونه
په پاکستان کې د امريکا هوايي بريد ٢٥ تنه وژلي14 فبروري, 2009 | خبرونه
پر پاکستانۍخاوره يوبل امريکايي بريد شوی02 جنوري, 2009 | خبرونه
پاکستان: د امريکا هوايي بريد پنځه کسان وژلي 22 دسمبر, 2008 | نړۍ
پاکستان: د امريکا هوايي بريد پنځه کسان وژلي19 نومبر, 2008 | نړۍ
|
|||||||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||||||||