سيدعبدالرحيم له نيويارک ښار څخه

	هينري پالسن وويل چې بانکونو ته د پيسو ورکړه چې خپلو مشتريانو ته پورونه ورکړي د مالي نظام د سمولو يوه چټکه او اغېزمنه لار ده .

نوموړي وويل هغه گامونه چې تر اوسه اخيستل شوي دي د امريکا د اقتصادي سيستم د رالوېدو مخه يې ونيوله .

د واکمن ګوند د ماليې د وزير ښاغلي هينري پالسن دکانګرېس کمېټې ته د ژغورنې په نامه د دې کړنلارې پر پلې کولو هغه وخت اختلاف پيدا شو، چې ده په خپله وينا کې ټينګار وکړ او بانکونو ته پيسې ورکول يې د مالي نظام د ټيکاو لپاره ترټولو اغېزمنه لار وبلله .

خو ناقدينو بيا ترېنه غوښتل چې د دې پر ځای دې د هغو کسانو لپاره داسې لارې په کار واچول شي چې سرايونه او کورونه يې په ګروۍ کي ځنې تلونکي دي .

ښاغلي پالسن په خپله دفاع کې وويل چې دا نوې کړنلاره داسې يوه لار نه ده چې زموږ د هر مرض دارو دي شي، ده پرمخ وويل هغه کنډو چې زموږ په اقتصاد کي جوړ شوى د هغه ډکول به يوڅه وخت واخلي.

دغه مالي کړنلاره چې تېره مياشت کانګرېس د مالي او بانکي بحران د مخنيوي په نيت تصويب کړې وه، خو سپينې ماڼۍ يې اصلي برخي د ګرويو او پورونو سره مرستې ځنې ايسته کړې او يوازې د بانکي ونډو پر اخيستلو يې خبره درولې ده.

	د ماليې وزير دا هم وويل چې بانکونو ته د پيسو ورکړه چې خپلو مشتريانو ته پورونه ورکړي د مالي نظام د سمولو يوه چټکه او اغېزمنه لار ده .

ښاغلي پالسن په خپلو خبرو کې دا هم وويل چې سږني ميلادي کال کې چې يې څه زده کړه کړې نو هغه دا ده چې اوسنی اقتصادي بحران نه د اټکل وړ دی او نه هم مخامخ کېدل ورسره اسانه کار دی.

د منظورې شوې مالي کړنلارې څخه تر اوسه لس کم درې سوه ميليارده ډالر په کار لوېدلي دي ښاغلي پالسن وويل چې د نوي ټاکل شوي حکومت چې د رانوي ميلادي کال پرشلمه واک ترلاسه کوي غواړي يوڅه زېرمه هغو ته هم وساتي.

د ماليې وزير دا هم وويل چې بانکونو ته د پيسو ورکړه چې خپلو مشتريانو ته پورونه ورکړي د مالي نظام د سمولو يوه چټکه او اغېزمنه لار ده .

خو ښاغلي پالسن دا اعتراف هم وکړ چې دوی د مالي ستراتيژۍ په دې کړنلاره کې بدلون ځکه راوست چې لومړني هغې ډېرې پيسې غوښتې او مالي حالت ناببره ډېر خراب شو او په دې پيسو يې چاره نه کېده .

غونډي ته د فدرالي زېرمې يوه چارواکي برنانکي هم په ټينګار وويل چې بانکونو ته د دغو پيسو ورکړه د بانکي اعتبار د لاس ته راوړلو لپاره ډېر د پام وړ کار دی .

که څه هم د امريکا د ماليې پر وزير ترټولو زياته نيوکه دا وه چې ولي پيسې دګروۍ دکورونو په ستونزو کې نه لګوي خو ښاغلي پالسن دا خبره ياده کړه چې د مالي نظام د بېرته سمولو په دې کړنلاره کې داسې کارونه ترلاس لاندې دي چې په برکت به يې ډېر کسان خپل سرايونه ونه بايلي.

ياده دي وي چې ډيموکراتان دا هم غواړي د پيسو يوه برخه دې د موټرو جوړولو هغو کريابو کارخانو ته هم ورکړل سي چي يو شمېر کارونه يې پرچاو شوي اوټاکل شوي ولسمشر بارک اوباما ژمنه هم ورسره کړې ده .