سيد عبدالرحيم له نيويارک څخه

	د امريکا د څارگرې ادارې مشر جنرال مايک هيډن وويل چې القاعدې يوۀ سوق الجيشي ماته هغه ده کله چې عراقيانو د دې ډلې د ملاتړ څخه لاس واخيست.

د اوسامه بن لادن ټينګول يې د سي. آی. اې د لوړو لومړيتوبونو څخه وبلل .

د ښاغلي هيډن په قول په قبايلي سيمو کې د القاعدې مرکز هغه ځاله ده چې يوازېنی او تر ټولو د پام وړ مرکز دی چې د ده په خبره لوېديځ ته د ګواښ بشپړه وړتيا لري.

ده وويل نن هر ګواښ د همدې قبايلي سيمو څخه راپېښ دی .

ده څرګنده کړه چې د پاکستان لښکرو القاعده په تېر يوۀ کال کې په قبايلي سيمو کې ښه ډېره ځپلې او خوږ کړې ده .

جنرال هيډن وويل چې يوازې په يوۀ کال کې د دغه ډلي ګڼ شمېر مشرانو په قبايلي سيمو کې پناه اخيستې او دلته وژل شوي دي .

	جنرال هيډن په دې باب کومه تبصره ونه کړه چې کله د ميلادي کال په لومړۍ مياشت د امريکا نوی ولسمشر بارک اوباما واک تر لاسه کوي نو دی به پر خپل دغه مقام پاته شي او که څنګه .

ښاغلي هيډن دا هم وويل چې د ده په خبره د القاعدې يوۀ سوق الجيشي ماته هغه ده کله چې عراقيانو د دې ډلې د ملاتړ څخه لاس واخيست.

بله ماته يې د ده په خبره د دوی هغه بنسټپال ملګري ول چې عربستان په خپل هېواد کې مات کړل .

ښاغلي هيډن دا خبره په ټينګار وکړه چې سعودي چارواکي دې ډلي ته د اسلامي ډلي په سترګه نه ګوري .

جنران هيډن په پای کې وويل چې د امريکا د څارګرې ادارې شپه او ورځ پر ځان يوۀ کړې چې دا ډله ماته کړي او د ده په خبره امريکا له خطر څخه وساتي .

جنرال هيډن په دې باب کومه تبصره ونه کړه چې کله د ميلادي کال په لومړۍ مياشت د امريکا نوی ولسمشر بارک اوباما واک تر لاسه کوي نو دی به پر خپل دغه مقام پاته شي او که څنګه .

وايي چې نوی ولسمشر به د امريکا د څارګرې ادارې د ټولو څانګو مشران بدل کړي .