بريد کوونکي خپل د چاودېدونکو ډک گاډى د څاريو په يو دوديز بازار کې د ايتلافي سرتېرو پر کاروان والوزاوۀ.

د امريکا په مشرۍ ايتلافي ځواکونه وايي په دغه بريد کې د يو امريکايي سرتيري په گډون شاوخوا نهه تنه وژل شوي او تر اويا ډېر نور ژوبل شوي دي .

بريد کوونکي خپل د چاوديدونکو ډک گاډى د څاريو په يو دوديز بازار کې د ايتلافي سرتيرو پر کاروان والوزاوه .

د ننگرهار دعامې روغتيا چارواکو بي بي سي ته وويل چې، تر ٤٠ ډېر ټپيان ور وستل شوي دي .

سمييز چارواکي دا هم وايي چې ،ډېر شمېر نور ژوبل شوي کسان د شينوارو ولسوالۍ روغتون ته رسول شوي دي .

د عيني شاهدانو په وينا ځانمرگي ايتلافي کتار هغه مهال په نښه کړ چې،د څاريود دوديزې ميلې له سيمې نه په تېريدو و .

که څه هم تر دې دمه ايتلافي ځواکونو لا دخپلي مرک ژوبلې په اړه رسنيو ته څه نه دي ويلي خو،يو عيني شاهد صفي الله د بي بي سي پښتو ويپاڼې ته وويل چې،په بريد کې د دغو ځواکونو دوه ټانگونه په بشپړ ډول ويجاړ شوي دي .

د دغه عيني شاهد په وينا ايتلافي سرتېرو خپل قربانيان د چورلکو په مټ د بريد له ځايه ولېږدول .

په همدې ترڅ کې د ملا شکور په نامه يوتن چې ځان يې بي بي سي ته د وسله والو طالبانو د يوې جبهمې وياند وپيژاند ادعا کړه چې،بريد د دوى ملگري کړى او په وينا تر شاوخوا ١٥ بهرني سرتيري ور وژلي دي .

ښاغلي شکور دغه راز د ايتلاف د دريو شوبلو د ويجاړولو ادعا هم وکړه .

د بټي کوټ ولسوالۍ د جلال اباد تورخم پر لويه لاره پرته ده چې ډېرى ځانمرگي بريدونه د همدغه سړک په اوږدو کي شوي دي .

تېر کال هم پر همدغه سړک د ايتلافي ځواکونو پر کتار ورته بريد وشو چې،دغو ځواکونو بيا پر ولسي خلکو ډزې و کړي چې، په پايله کې لسگونه ولسي خلک مړه او ژوبل شول