په دغه لوبډله کې ټول ټال ١٤ لوبغاړي او د ملي لوبډلې د روزدونکي کبير خان په گډون درې مسوولين پکې شامل دي .

په دغه لوبډله کې ټول ټال ١٤ لوبغاړي او د ملي لوبډلې د روزونکي کبير خان په گډون درې مسوولين پکې شامل دي .

کبير خان چې په اوړي کې د افغانستان د ملي لوبډلې د روزنکي په توگه دنده پيل کړه بي بي سي پښتو ويبپانې ته وويل چې د ١٧ کلنو لوبغاړو څخه دې افغانان ډيره هيله نه کوي .

کبير خان وويل افغانستان په تيرو کلونو کې د پنځلس کلنو او اوولس کلنو لوبغاړو په سياليو کې که څه هم گډون کړى و خو د لوبغاړو د دقيق عمر نشتوالي ورته ستونزې پيدا کړې وې .

افغانستان دوه ځله د تنکيو لوبغاړو له سياليو هغه مهال وايستل شو چې په لوبډله کې يې لږ تر لږه څلور داسې لوبغاړي وموندل شول چې عمرونه يې ظاهرآ له ټاکلي حده اوښتي و .

افغان کريکټ فدراسيون استدلال کاوه چې په افغانستان کې د لوبغاړو د دقيق عمر معلومول گران دي او د کريکت اسيايي شورا چې کوم طبي معاينات کوي هغه هم سل په سله کې سم نه دي .

ځينو نورو هيوادونو هم شکايت لارۀ .

د کبير خان په وينا دا ځل افغان کريکټ فدراسيون ډير واړۀ لوبغاړي غوره کړي چې بيا هم د عمر د ډيريدا تور پرې ونه لگيږي .

که چيرې بيا هم افغان لوبغاړي د عمر د ډيريدا له امله له سياليو وايستل شول نو د تنکيو لوبغاړو په لوبډلو يې ښايي پنځه کلن بنديز ولگيږي .

کبير خان بي بي سي پښتو ويبپاڼې ته وويل چې د کمکيو لوبغاړو په شته والي کې او د نورو لوبډلو له حالته ناخبري دا اټکل گرانوي چې افغانستان به څومره وځليږي .

په دغو سياليو کې افغانستان په اې گروپ کې دى چې ورسره ايران ، مايمار او عمان سيالۍ ته ولاړ دي .

ايران او مايمار کمزورې لوبډلې گڼل کيږي خو د عمان ملي لوبډله د اسيا د دويم کتار په لوبډلو کې يوه له پياوړو ياديږي.

د دغو سياليو په بي گروپ کې چين ، مالديف او تايلينډ يو بل ته مخامخ دي .

له هر گروپ څخه به دوه لوبډلې نيمه پايلوبو يا سيمي فاينلز ته لار مومي .

دغه لوبې د نومبر له ١٧ نيټې پيليدونکې دي .