عبدالمالک عاصم له کابله

	يو شمېر شنونکي وايي چې د خبرو اترو لپاره د شرطونو وړاندې کول د مذا کراتو د پيلېدو امکانات کموي .

جرگې دارنگه له طالبانو سره د امن د سيمه ييزې جرگې لخوا د خبرو اترو د تر سره کېدو ملاتړ وکړ . خو د ولسمشر کرزي وياند وايي چې د روغې جوړې د خبرو په اړه له مشرانو سره سلامشوره تر سره کېږي .

د افغانستان ولسي جرگې د خپلې چهارشنبې ټول بحث له مخالفو وسله والو سره د خبرو اترو څرنگوالي ته ځانگړى کړى وو .

پرېکړه پردې وشوه چې له هغو وسله والو مخالفينو سره دې حکومت خبرې وکړي چې د افغانستان اساسي قانون مني، له وسله والو طالبانو سره د خبرو اترو د پيل په اړه په دې وروستيو کې بحثونه تاوده شوي دي .

هره خوا هر ه سياسي کړۍ او گوند له خپله اړخه غواړي په دغه ميدان کې په يوه ډول خپل غږ او اندېښنه په ډاگه کړي، د ولسي جرگې په دننه کې هم ځينې په دې اندېښنه کې دي چې گواکې حکومت په پټه په دغه برخه کې منډې ترړې پيل کړې دي .

	د افغانستان د پوهنې وزير فاروق وردگ چې د امن د گډې جرگې د پرېکړو د څارنې د جرگگۍ غړى دى په ولسي جرگې کې د خلکو استازو ته ډاډ ور کړ چې د دوى په سلا مشوره به له مخالفو وسله والو سره خبرې پيل شي .

يو شمېر شنونکي وايي چې د خبرو اترو لپاره د شرطونو وړاندې کول د مذا کراتو د پيلېدو امکانات کموي .

يو شمېروکيلانو دارنگه دامن د گډې جرگې د هغې پرېکړې په اړه هم اندېښنه لرله چې دوه اوونۍ وړاندې په اسلام اباد کې له طالبانو سره د خبرو په پيل ټينگار پکې وشو خو ټولو ومنله چې د دواړو هېوادونو گډه جرگه گۍ دې له خپلې خوا له وسله والو طالبانو سره خبرې ترسره کړي .

خو د پوهنې وزير فاروق وردگ د امن د جرگگۍ لخوا هم ډاډ ورکړ چې د دغې جرگگۍ لخوا به د خبرو اترو پيلېدل هم د د افغانستان د ملي شورا په سلا مشوره کېږي .

حکومتي چارواکي له خپلو وسله والو مخالفينو سره يې خبرې رواني دي . د ولسمشر کرزي وياند همايون حميد زاده وويل چې د خبرو دپيل په اصل خبرې کوي خو جزئيات يې په ډاگه نه کړل .

په افغانستان کې مخ پر زياتېدونکې نا امنۍ په ډاگه کړه چې د دغه هېواد کشاله يوازې د خبرو اترو له لارې حل کېږي .

ولسمشر کرزي ويلي که د طالبانو او اسلامي حزب مشر خبرو ته چمتو شي نو له بهرنيانو به يې وژغوري . خو طالبانو ويلي هغه مهال خبرو ته چمتو دي چې بهرني ځواکونه له افغانستانه بهر شي .