ميرويس افغان له کندهار څخه

	د سفما د شمېرو له مخې په ٢٠٠٧ کال کې پنځه افغان خبريالان وژل شوي او ٦٠ نور وهل ټکول شوي دي .

د سفما دغه غونډه نن چارشنبه ( د اگست ٢٨) د کندهار په ولايت کې جوړه شوې، نيوکه لرله چې د خبرونو پرمهال د ډېرى پېښو پخلى د دولتي چارواکو له خوا نه کېږي .

د سفما د سوېل لوېديځې حوزې مشر فضل الرحمن په دغه خبري غونډه کې له افغان چارواکو غوښتنه وکړه، چې د خبرونو پر وخت دې د پېښو پخلى وکړي .

نوموړي زياته کړه چې نړيوال ځواکونه هم د خبرونو پروخت د پېښو پخلى نه کوي، چې د سوېلي لوېديځې حوزې خبريالان له ستر گواښ سره مخامخ دي .

افغان ژورنالېستانو د ژورنالېستانو د دفاع له نړيوالو کمېسيونونو نه وغوښتل، څو افغان چارواکي وهڅوي، چې د ژورنالېستانو ژوند ته پراته خنډونه له منځه يوسي .

د ژورنالېستانو سوېل لوېديځې حوزې يو ١٥ کسيزه پلاوى هم وټاکۀ، چې د سوېلي ولايتونو له چارواکو سره خپلې ستونزې شريکې او د حل لاره يې ولټوي .

په دې وروستيو کې په پرلپسې ډول ډېرى پېښې کېږي، خو وسله وال طالبان افغان خبريالان په دې تورنوي، چې گواکې په خپلو خبرونو کې د دولت پلوي کوي .

	د افغانستان د خبريالانو ملي اتحاديې ويلي وو، تېر کال افغان خبريالان له بېلابېلو گواښونو او ستونزو سره مخامخ وو.

خو ښاغلي فضل الرحمن وويل چې خبريالان ازادې رسنۍ دي او له هېچا سره هم تړاو نه لري او بې پرې خبرونه خپروي .

د سفما د شمېرو له مخې په ٢٠٠٧ کال کې پنځه افغان خبريالان وژل شوي او ٦٠ نور وهل ټکول شوي دي .

په افغانستان کې د خبريالانو ملي اتحاديې لا له وړاندې خپله اندېښنه ښوولې وه او له دې وړاندې د سوېلي اسيا د ازادو رسنيو ټولنې ( سفما) ٢٠٠٧ کال د افغان خبريالانو لپاره خونړى کال بللى و .

د افغانستان د خبريالانو ملي اتحاديې ويلي وو، تېر کال افغان خبريالان له بېلابېلو گواښونو او ستونزو سره مخامخ وو.