آرش پاکطين له کابله

	'' تر هغه چې د ازبکستان کار پاى ته رسېږي دغه ځايونه به هم ورغول شي .''

د دغې پروژې په بشپړېدو به د تاجکستان، ازبکستان او قرغيزستان نه افغانستان ته نژدې ١٠٠٠ ميگاواټه برېښنا ولېږدول شي.

د دغې وروستۍ پروژې په ترڅ کې به له سرخان سيمې نه ترحيرتان پورې د څه د پاسه ٤٠ کيلو مترو په اوږدو کې د برېښنا مزي وغزولې شي.

په دغې پروژې نژدې ٢٠ ميليونه ډالره لگښت راځي چې پيسې يې د افغان حکومت له لوري ورکول کېږي .

د افغانستان د اوبو او انرژۍ وزارت وياند سرور صديقي وايي له ازبکستان سره د شوې تړون له مخې دغه چارې به په راتلونکو ٥ مياشتو کې بشپړې شي :

'' اوس په افغانستان کې د ننه له کابله تر حيرتانه پورې ٤٢٠ کيلومتره مزي د يوې هندۍ کمپنۍ له لوري غزول شوى دي . يوازې سب سټېشنونه چې د غزولو شويو مزيو په اوږدو کې ځاى پر ځاى شوى پرې کار روان دى .

	له دغې برېښنا نه به د پلازمېنې کابل په گډون يوشمېر شمالي ولايتونه هم گټه واخلي .

تر هغه چې د ازبکستان کار پاى ته رسېږي دغه ځايونه به هم ورغول شي .''

که څه هم تر اوسه له ازبکستان سره د برېښنا د بيې او اندازې په برخه کی د افغان حکومت له لوري کوم تړون نه دى لاسليک شوى، خو چارواکي وايي په راتلونکو دوو مياشتو کې به په دې اړه له اړوندو ازبکي چارواکو سره خبرې اترې وکړي .

له دغې برېښنا نه به د پلازمېنې کابل په گډون يوشمېر شمالي ولايتونه هم گټه واخلي .

اوس په افغانستان کې د پلازمېنې کابل په گډون گڼ ولايتونه د برېښنا د نشتوالي له ستونزې سره مخامخ دي .