حنان حبيبزى له کابله

	چارواکي وايي چې په افغانستان کې د وچکالۍ له کبله کورني کرنيز توليدات زيانمن شوي او له کبله يې په دافغانستان په بازارونو کې د توکو بيې هم لوړې شوې دي .

دغه مرستې په هغه اعلان کې کره شوې چې په رسمي توگه د روسيې له خوا د افغانستان دولت ته ورسېد .

ددغو مرستو د ورکړې ژمنه روسيې ته د افغانستان د بهرنيو چارو د وزير په وروستي سفر کې شوې وه .

خو له دې سره هممهاله د افغانستان د کرنې وزارت اعلان وکړ چې ددوى يوې پلټنې ښودلې ده چې په هېواد کې د تېرو کلونو په پرتله د خوراکي توکو اړتيا ډېره زياته ده .

د بهرنيو چارو وزارت وياند سلطان احمد بهين وويل دغه ١٥ زره ټنه غنم به د لوږې په مخنيوي کې اغېزمنه ونډه واخلي .

روسيه د افغانستان د بيارغاونې په ډگر کې له مهمو مرستندويو هېوادونو څخه ده .

افغان چارواکي وايي روسيې وار له مخه د افغانستان له پوځ سره د نژدې٧٠ ميليونه ډالرو مرسته کړې ده .

ټاکل شوې ده چې دڅلور ميليونه ډالرو په لگښت د افغانستان د پولي تخنيک پوهنتون هم بيا جوړ کړي .

دافغانستان د بهرنيو چارو وزارت وياند سلطان احمد بهين وويل ددغو خوراکي مرستو ژمنه هغه هېواد ته د افغانستان د بهرنيو چارو د وزير د سفر پر مهال دروسيې چارواکو کړې وه .

ښاغلي بهين زياته کړه چې افغانستان ته به د روسيې ددغو مرستو د رالېږدولو لړۍ ډېر ژر پيل شي .

له همدې سره جوخت د افغانستان دکرنې وزير په يو خبري کنفرانس کې گډون وکړ اوخبردارى يې ورکړ چې په هېواد کې يې د تېرو کلونو په پرتله دغلې دانې اړتيا ډېره ده .کرنې وزير وويل ددوى يوه پلټنه ښيي چې په هيواد کې يې د لوږې کچه د تېرو کلونو په ډېره شوې ده .

د هېوادونو سياست بايدځوروونکى نه وي  ډېرې دروازې شته . موږ ډېرې دروازې لرو چې خوراکي توکي ترې واخلو خو زه يو ځل بيا وايم چې د هېوادونو سياست بايد داسې نه وي چې دوى يو بل وځوروي   عبيدالله رامين

عبيدالله رامين وويل له پاکستان څخه به د ٥٠ زره ټنه غنمو په پېرودلو سره دوى وکولى شي چې دغه اړتيا تر يوځايه راټيټه کړي .

ښاغلى رامين وپوښتل شو چې د پاکستان په اړه دولسمشر کرزي له وينا وروسته د دواړو هېوادونو په اړيکو کې يو څه خړپړتيا ښکاره شوې ده ايا پاکستان به اجازه ورکړي چې دا خوراکي توکي افغانستان ته ولېږدول شي؟ ده وويل :

'' نړۍ ډېره لويه ده ، ډېر هېوادونه دي چې کرنيز توليدات يې سږکال ښه دي او هغوى پلورلو ته اړتيا لري . لکه کاناډا ، امريکا،اسټراليا ، قزاقستان او ان روسيه او ډېر نور هېوادونه شته چې توليدات کوي او دغه توليدات بايد وپلوري .

ډېرې دروازې شته . موږ ډېرې دروازې لرو چې خوراکي توکي ترې واخلو خو زه يو ځل بيا وايم چې د هېوادونو سياست بايد داسې نه وي چې دوى يو بل وځوروي .''

چارواکي وايي چې په افغانستان کې د وچکالۍ له کبله کورني کرنيز توليدات زيانمن شوي او له کبله يې په دافغانستان په بازارونو کې د توکو بيې هم لوړې شوې دي .

د افغانستان دکرنې وزير وايي دوى هيله لري چې نړيوال به د خوراکي توکو په برخه کې د پاريس په کنفرانس کې کړې ژمنې ژرپوره کړي چې دوى يې د خوراکي توکو د کمښت د پوره کولو لپاره وکاروي .