لاريون کوونکو له اسلامي نړۍ، ملگرو ملتونو او نړيوالې ټولنې څخه د ياد شوي امريکايي سرتېري د محاکمې غوښتنه کوله .

لاريون کوونکي د مزار شريف په ښار کې راټول شوي ول .

دغه محصلين، چې د افغانستان په شمال کې د مذهبي مشرانو له خوا لاريون جوړ شوى و، د پوهنتون له انگړ نه راوتلي وو او د مزار شريف د ښار په مرکز کې يې لاريون کاوه .

لاريون کوونکو حضرت علي ته په منسوبه روضه کې د يوې لنډې غونډې په کولو سره خپل لاريون پاى ته ورساوه .

دوى له خپلو ځانونو سره د 'مرگ پر امريکا'، 'مرگ پر جورج بوش' شعارونه لېږدول .

د بلخ د پوهنتون د الهياتو د څانگې محصل محمد حفيظ، چې په دې لاريون کې يې وڼډه اخيستې وه، وويل : 'که چېرې امريکايان زموږ دين، دودونو او ارزښتونو ته په درناوي نه وي قايل، نو د افغانستان خلک له دوى سره د اړيکو غوڅول غواړي .'

لاريون کوونکو له اسلامي نړۍ، ملگرو ملتونو او نړيوالې ټولنې څخه د ياد شوي امريکايي سرتېري د محاکمې غوښتنه کوله .

لاريون کوونکو د امريکا د ولسمشر بوش جوړې کړې څېرې ته هم اور ورته کړ او گواښ يې کاوۀ چې که لوېديځوال د مسلمانانو د مقدساتو له سپکاوي لاس وانخلي، نو دوى به په افغانستان کې د مېشتو بهرنيو ځواکو پروړاندې پاڅون وکړي .

د يادونې وړ ده چې په عراق کې د امريکاي سرتېري له خوا نه د قرآن کريم سپکاوى شوى او په ډزو يې ويشتلى دى .

له دې پېښې وروسته د امريکا ولسمشر جورج بوش قرآن کريم ته د سپکاوي په اړه بښنه غوښتې ده .

بوش د عراق له لومړي وزير نوري المالکي، عراقي وگړو او عراقي دولت څخه هم په دې اړه بښنه وغوښته .