عبدالصمد روحاني له لښکرگاه څخه

	د موسى كلا ولسوالي د تېركال په ديسمبر مياشت كې افغان او نړيوالو سرتېرو د يو لړ پراخه پوځي عملياتو په پايله كې له وسله والو طالبانو څخه ونيوله .

دغه خبره د هلمندامنيه قوماندان محمدحسين انډيوال بي بي سي ته وکړه، چې په وينا يې دغو طالبانو پوليسو ته ماين ښخاوۀ، چې خپله پردوې باندې وچاودېد .

هغه وويل چې وروسته جګړه پيل شوه چې په پايله كې څلور تنه پوليس ټپيان شول .

د موسى كلا ولسوالۍ ځايي خلك وايي چې جګړه ډېره سخته وه .

يوه قومي مشر بي بي سي ته وويل چې په لسګونو طالبانو پر پوليسو بريد وكړ، چې ترڅو ساعتونو پورې نښتې دوام درلود .

دغه قومي مشر وويل چې د ولسوال ملاعبدالسلام پركور هم طالبانو يرغل وروړى دى .

چارواكي هم مني چې د ملاعبدالسلام كور ته نژدې د پوليسو او وسله والو طالبانو ترمنځ جګړه شوې ده .

ملاعبدالسلام چې د طالبانو د رژيم پروخت يو لوړپوړى چارواكى و، تېركال له هغوى څخه جلا او د دولت له لوري د موسى كلا د ولسوال په توګه وټاکل شو .

له دې مخكي هم دده پركور بريد شوى و .

خو وسله وال طالبان بيا ادعاكوي چې د موسى كلا په پنځه ساعته نښته كې يې ٢٠ تنو افغان او بهرنيو سرتېرو ته مرګ ژوبله اړولې ده، چې د دې خبرې تاييد چارواکو تر اوسه نه دى کړى .

د موسى كلا ولسوالي د تېركال په ديسمبر مياشت كې افغان او نړيوالو سرتېرو د يو لړ پراخه پوځي عملياتو په پايله كې له وسله والو طالبانو څخه ونيوله .

كه څه هم ځايي چارواكي وايي چې په ولسوالۍ كې امنيتي وضعه ښه ده، خو ګڼ نور بيا وايي چې له ناامنيو ترپوزې راغلي، ځكه چې داسې ورځ يې نه يادېږي چې د ولسوالۍ يوه نه يوه سيمه دې يې د جګړې شاهده نه وي .