په تېرو دوو مياشتو کې په سپين بولدک ولسوالۍ کې دا څلرم ځانمرګى بريد و.

په کندهار کې د والي له دفتره خبر ورکړ شوى چې په ټپيانو کې درې کسان ددوى د ملي امنيت کارکوونکي دي .

بل خوا په دې ولايت کې د يوه روغتون ډاکترانو د ټپيانو شمېره اتلس کسان ښوولې ده .

بريد نن له غرمې وړاندې شاوخوا يوولس بجې شوى .

په کندهار کې امنيتي چارواکي وايي چې ځانمرگى بريدگر ددوى تر څارنې لاندې و خو کله چې پوه شو نو د خلکو په گڼه گوڼه کې يې ځان وچووۀ .

طالبانو لکه د تېر په څېر ددې بريد پړه پر غاړه اخيستې ده .

ددوى يو تن وياند قاري يوسف احمدي ويلي چې دغه ځانمرگى د گل محمد په نامۀ د کندهار يوه اوسېدونکي ترسره کړى دى .

ښاغلي احمدي ادعا وکړه چې په دې بريد کې د ملي امنيت لس کسان کارکوونکي وژل شوي دي .

د يادونې وړ ده چې دا دويم ځانمرگى بريد و چې نن ترسره شو .

په تېرو دوو مياشتو کې په سپين بولدک ولسوالۍ کې دا څلرم ځانمرګى بريد و، په دغه ولسوالۍ کې وروستى ځانمرګى بريد اته ورځې مخکى شوى و، چې له امله يې د سړک جوړونې د شرکت دوه ساتونکي وژل شوي وو .

د افغانستان سوېلي هلمند ولايت په ګرشك ولسوالۍ كې يوه ځانمرګي دوه تنه ولسي وګړي وژلي او د دوو پوليسو په گډون يې درې کسان ټپيان كړي دي .

	نژدې درې اوونۍ وړاندې د هلمد په لښکرگاه ښار کې يوه ځانمرگي دوه پوليس او درې ولسي وگړي ووژل .

چارواكي وايي چې بريد كوونكى پلې روان و او د ګرشك د پوليسو ودانۍ ته نژدې يي ځان والوزاوۀ .

وسله والو طالبانو ددغه بريد پړه پرغاړه اخيستې ده .

ځانمرګى بريد نن سهار (چارشنبې، د اپريل ٢٣) شاوخوا اووه بجې د ګرشك ولسوالۍ د امنيې قومندانۍ په دروازه كې هغه مهال وشو چې پوليسو ودانۍ ته د بريدكوونكي د ننوتلو مخنيوى وكړ .

د هلمند امنيه قومندان مل پاسوال محمدحسين انډيوال بي بي سي ته وويل چې د بريد په پايله كې دوه تنه ولسي وګړي مړه او د يوه ولسي وګړي په ګډون دوه تنه پوليس ټپيان شوي دي .

عيني شاهدانو وويل چې بريد د نجونو يوه ښوونځي ته نژدې په ٢٠ مترۍ كې و شو .

وسله والو طالبانو ددغه بريد پړه پرغاړه اخيستې او وايي چې ١٢ تنه پوليس پكې وژل شوي دي .

د طالبانو يوتن وياندقاري يوسف احمدي بي بي سي ته وويل چې بريدكوونكى نصيرالله نومېده چې د هلمند ولايت اوسېدونكى و .

د سوېلي هلمند ګرشك د روان ٢٠٠٨ ميلادي كال له پيل څخه د يو لړ چاودنو اوځانمرګو بريدونو شاهده ولسوالي ده .

نژدې درې اوونۍ وړاندې د هلمد په لښکرگاه ښار کې يوه ځانمرگي دوه پوليس او درې ولسي وگړي ووژل .

همدارنگه يوه مياشت وړاندې په نوموړې ولسوالۍ کې يوه ځانمرګي بريد درې بهرني سرتېري ووژل .