عبدالصمد روحاني له لښکرگاه څخه

	وسله والو طالبانو له څه باندې يوې مياشتې راپدېخوا په افغانستان كې دګرځنده تليفون د ١٥ په شاوخوا كې انتنونه ويجاړكړي دي .

چاوراكي وايي چې له دې شمېرڅخه ډېرى د موسى كلا، سنګين اوكجكي ولسواليو اوسېدونكي دي .

ددې ولسواليو د ځايي خلكو په وينا دوى وروسته له هغه دتليفون له اسانتياوو نه بې برخې شول کله چې وسله والو طالبانو دګرځنده تليفون يوانتن وسوځاوۀ .

وسله والو طالبانو له څه باندې يوې مياشتې راپدېخوا په افغانستان كې دګرځنده تليفون د ١٥ په شاوخوا كې انتنونه ويجاړكړي دي .

د هلمندولايت موسى كلا، سنګين اوكجكي هغه ولسوالۍ دي چې له يوې مياشتې راپدېخوا يې ځايي خلك دګرځنده تليفون له اسانتياوو څخه بې برخې شوي دي .

په دې ولسواليو كې وروسته له هغه ګرځنده تليفونونه بند شول کله چې وسله والو طالبانو په سنګين ولسوالۍ كې دروشن د مخابراتي شركت يوانتن ويجاړكړ .

كه څه هم دګرځنده تليفوني شركتونو چارواكي نه مني چې ګواكي دهلمند په ځينو ولسواليو كې د شپې له پلوه تليفونه بنديږي خو د ځينوولسواليو ځايي خلك وايي چې د ورځې يې تليفونونه كاركوي خو د شپې نه .

وسله والو طالبانوڅه باندې يوه مياشت وړاندې له ګرځنده تليفوني شبكو څخه وغوښتل چې د مازيګر له پنځو بجو څخه دسهار تر اوو بجوپورې دې خپل سيګنالونه بندوي .

طالبان ادعاكوي چې په افغانستان كې مېشتو نړيوالو سرتېرو ته دګرځنده تليفونونو له لارې جاسوسي كيږي، خو چارواكي بيا دا ادعانه مني .

د هلمندولايت ګڼ اوسېدونكي تليفون يوه داسې اسانتيا بولي چې په نشتوالي يې خلك له گڼو ستونزو سره مخامخ كيږي .

دوى له وسله والو طالبانو څخه غوښتنه لري چې پرګرځنده تليفوني شركتونو دې لګول شوى بنديز ليرې كړي .

د هلمندولايت د مخابراتو د رياست مرستيال عبدالهادي وايي چې دطالبانو دګواښ سره سم په سلو كې٦٠ هلمندوال له تليفوني اسانتياووڅخه بې برخې شوي دي .

د افغانستان په بېلابېلو ولايتونو كې ديوې مياشتې په موده كې وسله والو طالبانو پرشاوخوا ١٥ تليفوني انتنونو بريدونه كړي چې دافغانستان د مخابراتو د وزارت د چارواكو له خوا يې زيان دوه ميليونه امريكايي ډالره بلل شوى دى .

كه څه هم دافغانستان د مخابراتو وزير څه موده وړاندې بي بي سي ته ويلي وه چې اوس طالبان پرخپل دغه كار پښېمانه دي اوځينې طالب قومندانانو بېرته د تليفوني اسانتياوو غوښتنه كړې، خو د طالبانو يو وياند ذبيح الله مجاهد دغه خبره نه مني او وايي چې اوس هم پرخپله پرېكړه ولاړ دي .