مالک عاصم له کابله

	د پرونيو مظاهرو له امله ډيرو شتمنيو زيان واوښت

پرون دولتي شميرو د وژل شويو کسانو شميره اووه تنه ښووله . د ولسمشر حامد کرزي وياندکريم رحيمي خبريالانوسره په خبرو کې نن وويل دولت به د پرونيو ورانکاريو عاملين نيسي او قانوني چلند به ورسره کوي .

افغان دولت د غه مظاهره کونکي بلواگر وبلل او په راتلونکي کې يې له دا ډول کسانو سره د جدي چلند غږ وکړ

د ولسمشر وياند کريم رحيمي وايي د تېرې ورځې په پېښه کې ټول ٧ تنه د ايتلافي ځواکونو د کاروان د ټکر په پيښه کې وژل شوي . او په همدې اړه يې د څېړنو د پيل خبر ورکړ.

خود ايتلافي ځواکونو په اعلاميي کې د موټرو د ټکر په پېښه کې د يوه کس دوژل کېدو يادونه شوې ده .
ښاغلي رحيمي داهم ومنله چې پوليسو د کړکيچ جوړونکو د خپرولو لپاره ډ زې کړي .خو دده په وينا په دغو ډ زو کې څوک نه دي وژل شوي .

وياند رحيمي زياته کړه چې د ټپيانو وروستۍ شمېره ورته نه ده معلومه خو د روغتيا دوزارت سلاکار عبدالله فهيم وايي چې پر دغو ٧ تنو سربېره د کابل په روغتونونو کې داتو نورو کسانومړي ثبت شوي.

افغان دولت د پېښې له زيانمنو شويو سره د مرستې ژمنه وکړه خو د هغو کسانو د پلټنې ،نيونې او ورسره د قانوني چلند يادونه کوي چې د دوى په وينا بلواگر وو او په تاو تريخوالي يې لاس پورې کړى وو.