اليسټر ليتهيډ له کابله

	د کابل ښار په شمالي څنډه کې خلکو د ايتلافي ځواکونو پر گاډو ډبرې وار کړې

تر پېښې وروسته په مظاهرو کې د اوو کسانو د وژنې او تر ٢٠ پورې د ټپي کيدو خبر ورکړل شوى دى .

داسې ښکاري چې يو امريکايي پوځي کاروان د کابل په شمال کې په لويه لاره له يوۀ يا ډيرو افغان گاډو سره په ټکر کې ښکېل شو.

وروسته پوليسو او عادي خلکو دغه پوځي کاروان کلابنده کړ . عيني شاهدان وايي امريکايي ځواکونو ډزې وکړې .

د يو شمير کسانو د وژنې او ټپي کيدو خبره کيږي .

وروسته په سلگونو قهروړيو کسانو ډبرې وار کړي دي او حالات له کابو کيدو وتلي دي .

افغان پوليسو امريکايي کاروان له ځايه په بدرگه ايستلى خو قهر وړيو خلکو پر پوليسو وار کړى دى او د پوليسو ماموريت ته يې اور ورته کړى دى .

د ايتلافي ځواکونو يوې وياندې دا خبره تايد کړې چې پېښه شوې خو نور جزييات يې نه ورکول .