اوس هم ډيرې افغانې ښځې چادرې پرسر کوي

دبشر د حقوقو خپلواکه کميسيون راپور وايي چې جنسي تيري په تيره بيا د وسله والو کسانو له خوا، قتلونه او اجباري ودونه دوام لري او دښځو د ځان وژنو پيښې ډيرې شويدي

تر اوسه د ځان د سوزولو ٢٣٠ پېښې ثبت شوي او په سلو کې ٣٨ هغو ښځو سره چې مرکې شوي وايي چې په زوره واده شويدي . په سلو کې ٥٠ ويلي دي چې د خپل واده نه خوشحاله ندي ځکه چې په کور کې ورسره ناوړه رويه کيږي
راپور وايي چې په کليوالو سيمو کې دا ارقام لوړ دي

په نوره نړۍ کې د ښځو ژوند څه ډول دى ؟

• په برتانېې کې زيږيدلې نجلۍ ښايي تر ٨١ کالو پورې عمر وکړي پداسي حال کې چې د افريقا په سوازيلند کې زيږيدلې نجلۍ ښايي د ٣٩ کالو په عمر مړه شي

• په ټوله نړۍ کې ٨٥ ميليونه جنکيانې او ٤٥ ميليونه هلکان نشي کولاى ښونځيو ته لاړ شي

• د نړۍ په سلو کې ٦٧ بيسوادان ښځې دي

• په نړۍ کې د ځمکو د ملکيت په سلو کې ١ سندونه د ښځو په نامه دي

• په نړۍ کې ٧٠٠ ميليونه ښځو او ٤٠٠ ميليونه نارينه و ته مناسب خوراک ، اوبه ، روغتيايي پالنه او پوهنه روزنه نده ميسره

• په نړۍ کې په هره دقيقه کې يوه ښځه او هره ورځ ١٤٤٠ ښځې د اولاد د زيږولو پر وخت خپل ژوند له لاسه ورکوي

• په حبشې کې له هرو ٧ ښځو څخه يوه د حامله گي او يا زيږون پر وخت مري ، پداسي حال کې چې په برتانيې کې له هرو ١٩٠٠٠ څخه يوه مري

• د نړۍ د يو اعشاريه دوه ميليارده وگړو څخه چې په بې وزلۍ کې ژوند کوي په سلو کې ٧٠ ېې ښځې او ماشومان دي

• په نړۍ کې په سلو کې ٢١ ښځې مديرانې دي

• په برتايې کې په سلو کې ٩ قاضيان ، ١٠ د شرکتونو رييسان ، او ١٠ د پوليسو لوړ افسران ښځې دي

• د ملگرو ملتونو د ١٩١ غړو هيوادو څخه يواځې ١٢ تنه مشران ښځې دي