جانا جولي
پښتو بڼه : متين سمسور
د وروستي خبر د خپريدا وخت جنوري 17, 2012 گرينويچ 17:22
جعلي درمل ملريا ضد هڅې گواښي
که پر وخت او سم درمل وخوړل شي د ملريا ناروغ په اسانۍ رغيدى شي
ملريا ضد تقلبي او ټيټ کيفيت لرونکو درملوافريقا کې د ملريا د ناروغۍ د کابو کولو هڅې له گواښ سره مخامخ کړي دي.
ملريا هرکال نژدې يو ميليون انسانان نړۍ کې له منځه وړي .
جانا جولي پرې رپوټ لري .
تيرو څو کلونو کې د ملريا د ناروغۍ په وړاندې هڅو کې د پام وړ پرمختگ شوى دى.
په دې کې د ملريا ضد درملو پرمختيا هم راځي.
خود اکسفورد د پوهنتون په مشرۍ د ساينسپوهانو يوه ډله وايي تقلبي او د ټيټ کيفيت لرونکو درملو دغه هڅې له خطرسره مخامخې کړي دي.
دغه تقلبي درمل په يوشمير افريقايي هيوادونو کې خرڅيږي. ساينس پوهان وايي دغه ډول درمل چې د رښتينو درملو ډيره لږ کچه لري کيداى شي چې هم ناروغانو ته ناوړه پايلي ولري او هم د ملريا د ناروغۍ هغه بڼې رامنځته کړي چې د درملو په وړاندې مقاومت لري.
بيړڼي گامونه
دوى له افريقايي هيوادونو غوښتي چې د ټيټ کيفيت لرونکو درملو د خرڅلا د مخنيوي لپاره بيړڼي گامونه اوچت کړي ځکه وايي دغه ډول درمل د ميليونونو خلکو او په ځانگړي ډول د ماشومانو او ميندوارو ميندو ژوند له خطر سره مخامخ کوي.
د تقلبي درملو کارباور ډيره گټه لري.
د ځينو دغو تقلبي تابليتونو کيمياوي تجزيې ښوولې چې دغه تابليتونه په چين کې توليد شوي دي.
نايجيريا کې هم د دغه ډول تقلبي درملو د توليد يوه کارخانه موندل شوې ده.
ساينسپوهانو خبردارى ورکړى چې که د تقلبي درملو رسد ډب نه شي نو د ملريا د ناروغۍ د له منځه وړلو لپاره به پراخې هڅې له ناکامۍ سره مخامخې شي.
وروستي
~RS~a~RS~pashto~RS~q~RS~~RS~z~RS~00~RS~){kind=small}
bbc.co.uk navigation
د پاڼې لينکونه
د بي بي سي لينکونه
© 2012
.بي بي سي د پرديو ويبپاڼو د مطالبو مسووليت نه اخلي
.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .