لوی څارنوال وايي ده غوښتنه کړې ده، چې په اساسي قانون کې د جګپوړو تورنو چارواکو د محاکمه کولو مادې ته ځای ورکړل شي .

د افغانستان لوى څارنوال اسحق الکو له بي بي سي سره په يوې ځانگړې مرکه کې که څه هم د دغو وزيرانو په اړه ډير جزييات ور نکړل خو دايې په ډاگه کړه چې د حکومت د يوشمير برحاله او مخکينيو وزيرانو د فساد کچه په ميليونونو ډالرو ته رسېږي .

د نوموړي په وينا د ځينو افغان وزيرانو له لوري فساد د توکو د پير او دتړو نونو د لاسليکېدو پرمهال شوي دي .

ښاغلى الکو وايي د اداري فساد پر وړاندې به خپلې مبارزې ته دوام ورکوي او قانون به پر ټولو يو شان پلى کوي .

لوی څارنوال اسحق الکو بي بي سي ته په يوه ځانګړې مرکه کې وويل چې يوشمېر اوسني او پخواني وزيران د ميليونونو ډالرو د وهلو په تور همدا اوس تر څېړنې لاندې دي :

رښتينی ډاډ  افغانستان اوس د فساد ستونزې د حل، د سيمه ييزو حکومتونو پياوړتيا، د افغانستان ټولو برخو ته د رسېدو او د دې لپاره چې افغانانو ته خپل راتلونکي په اړه يو رښتينی ډاډ وکړي، نويو او بيړنيو تدبيرونو ته اړتيا لري .   ګورډن براون

((يو تعداد وزيران شته، خو د محکمې لخوا چې دوی مجرم نه وي ثابت شوي، نو اصلاً د هغوی د نومونو د افشا کېدو قانوني صلاحيت نشته، خو دوی په ډېره لوړه کچه فساد تورن دي، خو دوه برخې يې ډېرې مهمې دي، يو د خريدارۍ په برخه کې فساد او بل په قراردادونو کې . ))

لوی څارنوال وايي ده غوښتنه کړې ده، چې په اساسي قانون کې د جګپوړو تورنو چارواکو د محاکمه کولو مادې ته ځای ورکړل شي .

تېره ورځ په کابل کې د امريکا سفير سپينې ماڼۍ ته په استولي ليک کې افغانستان ته د زرگونو نورو امريکايي عسکرو له لېږلو سره مخالفت څرگند کړى دى .

د سفير کارل ايکنبيري په ډېپلماتيک ټلگرام کې چې جزييات يې مطبوعاتو ته راوتلي، د حامد کرزي په مشرۍ د افغان حکومت پر وړتيا او په هغه کې د فساد پر شتوالي شک ښودل شوى دى .

موږ به خپله پوره هڅه وکړو چې د حکومت له لمنې نه د فساد تور داغ ليرې کړو او نړيوالو ته ثابته کړو چې افغانان خپلو هڅو کې ريښتيني دي   حامد کرزی

خو د اټلانټيک سمندر دواړو غاړو کې ګوتنيوونکي دا پوښتنې راپورته کوي چې د ټاکنو دغه پايلې د دومره قربانيو سپيناوی کولی شي .

د برتانيا لومړي وزير ګورډون براون خپل پارلمان ته وويل چې د ښاغلي کرزي د دويم پړاو ولسمشري بايد له لومړي پړاو زيات توپير ولري :

((افغانستان اوس د فساد ستونزې د حل، د سيمه ييزو حکومتونو پياوړتيا، د افغانستان ټولو برخو ته د رسېدو او د دې لپاره چې افغانانو ته خپل راتلونکي په اړه يو رښتينی ډاډ وکړي، نويو او بيړنيو تدبيرونو ته اړتيا لري . ولسمشر کرزي له ماسره موافقه وکړه چې افغانستان اوس د خپل پوځ او پوليسو شمېر زياتولو او پياوړلو ته اړتيا لري، چې له مخې به يې وکولی شو د بريتانوي ځواکونو شمېر کم کړو . ))

افغان ولسمشر حامد کرزي هم ژمنه کړې وه ، چې د خپلې ادارې له لمنې نه به د فساد تور خال ليرې کړي :

((موږ به خپله پوره هڅه وکړو چې د حکومت له لمنې نه د فساد تور داغ ليرې کړو او نړيوالو ته ثابته کړو چې افغانان خپلو هڅو کې ريښتيني دي .))