 |
|
|
|
|
|
|
|||||||||||||||||||||||||||||||||||||||||||||||||||||||||||||||||||||||
|
|
||||||||||||||||||||||||||||||||||||||||||||||||||||||||||||||||||||||||||||
~RS~a~RS~Pashto~RS~q~RS~~RS~z~RS~15~RS~){kind=small}
|
د ولايتي شوراګانو وروستۍ پايلې اعلانېږي
|
||||||||||||||||||||||||||||||||||||||||||||||||||||||||||||||||||||||||||||
د افغانستان د ټاکنو خپلواک کمېسيون وايي په نژدې راتلونکي کې به د ټولو ولايتي شوراگانو وروستۍ پايلي اعلان کړي .
کمېسيون وايي ددوى له لورې د رايي شمېرنې کار بشپړ شوى او همدا چې، د انتخاباتي شکايتونو د اوريدو کمېسيون د يوشمېردرغليو د ادعاوو سپيناوۍ وکړي،دوى به پايلې په ډاگه کړي . د ټاکنو د خپلواک کمېسيون لومړنۍ پايلې شاوخوا دوه اوونۍ وړاندې اعلان کړې ، خو هغه مهال يو شمېر کانديدانو د ټولو نهايي پايلو د اعلانولو غوښتنه کوله . د افغانستان د ټاکنو خپلواک کمېسيون وايي د ولايتي شوراگانو د رايي شمېرنې بهير يې بشپړ کړى او په نژدې راتلونکي کې به يې وروستۍ پايلې په ډاگه کړي خو و يې نه ويل چې، له نژدې راتلونکي نه يې هدف څومره وخت دى . د ټاکنو کمېسيون د ولايتي شوراگانو د نهايي پايلو د ځنډ اصلي علت د يو شمېر کانديدانو له لورې په ټاکنو کې د درغليو د ادعاوو څېړل ښيي چې، وار له مخې د انتخاباتي شکايتونو کمېسيون ته سپارل شوي دي .
دا هغه کمېسيون دى چې د ولسمشرۍ په تېرو ټاکنو کې شاوخوا يونيم ميليونه رايي کوټه وبللې او ټاکنې يې دويم پړاوو ته وغزولې . د ولايتي شوراگانو په ټاکنو کې د درغليو تر ټولو ډېرې ادعاوې د ننگرهار ولايت کانديدانو کړي چې له امله يې لا د دغه ولايت ابتدايي پايلې نه دي اعلان شوي . د انتخاباتو د کمېسيون وياند نور محمد نور وايي همدا چې د شکايتونو کمېسيون دوى ته د ادعا شوو درغليو د ارزونو پايلې وسپاري، دوى به نهايي نتايج اعلان کړي . د ولايتي شوراگانو ټاکنې د تېرې اگست مياشتې پر ٢٠ مه نېټه د ولسمشرۍ له ټاکنو سره همهاله ترسره شوى . که څه هم د ولايتي شوراگانو ابتدايي پايلي اعلان شوي خو يو شمېر کانديدان د نهايي پايلو د سملاسي اعلان غوښتنه کوي . د ټاکنو د کمېسيون د ابتدايي پايلو د اعلان له مخې چې د کمېسيون په وېبپاڼه کې خپرې شوې، د ٣٣ ولايتونو بريالي کانديدان شاوخوا ٣٨٠ تنه ښوول شوي، چې ٢٥ په ١٠٠ کې يې مېرمنې دي . د افغانستان د ټولو ولايتي شوراگانو د ٤٠٠ څوکيو څه باندې ٣٠٠٠ کسانو سيالي کوله |
ورسره تړلي نور خبرونه
 د ولايتي شوراګانو د رايو لومړنۍ پايلې 27 سپتمبر, 2009 | خبرونه
ډېر ژر به دټاکنو وروستۍ پايلې اعلان شي 25 سپتمبر, 2009 | خبرونه
|
||||||||||||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||||||||||
