هميم جلالزی په کابل کې

	د برېښناشرکت وايي دا مهال دغه شرکت په کابل کې دوه لکه او څلوېښت زره پېرودنکي لري خو په دې تمه دي چې د روان لمريز کال تر پايه به دغه شمېره درې لکه ته لوړه شي .

د چارواکو په وينا د دغه سيسټم له مخې به د هر پېرودونکې کور ته د برېښنا کمپيوټري بيل ورځي چې له هر ډول لاسوهنې به پاک وي .

په افغانستان کې دا مهال د برېښنا ټول مصرفونکي په پخوانيو سنتي لارو د برېښنا د بيلونو پيسې بانکونو ته سپاري .

په همدغه لارو کې له يوې خوا د برېښنا شرکت وا يي چې د برېښنا پېرودونکې په مېټرونو کې لاس وهي او له دوی څخه برېښنا غلا کوي او له بلې خوا پېرېدونکې هم شکايت کوي چې د برېښنا د لګښت په اړه روڼ حساب نشته او تر خپلې کچې زياتې پيسې ورڅخه اخيستل کېږي .

دوه لکه او څلوېښت زره پېرودنکي

د افغانستان د برېښنا شرکت يو چارواکی ميرويس عالمي وايي چې ددغو ستونزو د هواري لپاره يې پر يو داسې سيسټم کار پيل کړی چې د برېښنا اړوندو ټول حسابونه به ورسره رڼه او ستونزې به هواري شي .

دده په وينا د سيستم کار به په شپږو مياشتو کې بشپړ شي او ورسره د برېښنا موسسې عايد منظم شي .

ښاغلي عالمي وويل چې دغه سيسټم به له پېرېدونکو سره د برېښنا د بيل په تحويلو کې مرسته وکړي :

ده زياته کړه چې دغه سيسټم په نورو هېوادونو کې تجربه شوی او ډېر ګټور دی .

نوموړي وويل چې دا مهال منظم پېرودونکي نشته او له همدې امله د عايداتو دقيق ارقام هم نشته .

د برېښناشرکت وايي دا مهال دغه شرکت په کابل کې دوه لکه او څلوېښت زره پېرودنکي لري خو په دې تمه دي چې د روان لمريز کال تر پايه به دغه شمېره درې لکه ته لوړه شي .