الياس وحدت له خوسته

	د سيمې خلکو ويلي چې دغه توغندي د ارګون او يا نكې په ولسواليو كې د مېشتو بهرنيو ځواكونو له مركزونو ويشتل شوي .

وژل شوې او ټپي درېواړه خويندې دي .

د همدې سيمې يو تن قومي مشر او د پكتيكا ولايتي شورا وكيل جمعه دين وويل، چې تېره ورځ ناوخت مهال پر ياده سيمه شل توغندي توغول شوي او ټول د يو كيلومټر په ساحه او هلته د پرتو كوچيانو په منځ كې لويدلي دي .

ده د سيمې خلكو له قوله وويل، چې دغه توغندي، د ارګون او يا نكې په ولسواليو كې د مېشتو بهرنيو ځواكونو له مركزونو ويشتل شوي .

جمعه دين وويل، چې كوچيانو د وژل شويو ماشومانو جسدونه په احتجاجي توګه، د پكتيكا په مركز ښرنه كې د ولايت مقام ته راوړي وو او له ځايي چارواكو يې د دې پېښې د ژر څېړنې غوښتنه كوله .

ده وويل، چې دا پېښه يې د ولايتي شورا د يوه وكيل په توګه، په پكتيكا له مېشتو بهرنيو ځواكونو سره شريكه كړې، خو تر اوسه يې څه ځواب نه دى ترلاسه كړى.

د پكتيكا والي وياند حميدالله ژواك بيا وايي، چې په دې اړه دوى له بهرنيو ځواكونو سره غږيدلي، د ده په وينا هغوى د لويدلو توغنديو ټوټې راټولې كړي او وايي چې دا د دوى له خوا نه، بلكې د وسله والو طالبانو له خوا هغه مهال وويشتل شول، چې د همدې پكتيكا د ښوى كمر په سيمه كې د دوى او طالبانو ترمنځ اوږده نښته وشوه.

خو وكيل جمعه دين د ځايي چارواكو دا خبره په دې ناسمه بولي، چې دغلته د وسله والو طالبانو د ويشتو له پاره هېڅ موخه نشته .

بل خوا د پكتيا ولايت په زرمت ولسوالۍ كې د روحاني بابا په نوم د يوه مشهور زيارت مېنجور ببرى د ناڅرګندو كسانو له خوا وژل شوى او مړى يې د پكتيكا ولايت مركز ښرنې ته نېږدې د ډنډك په سيمه كې موندل شوى دى .

ځايي خلك وايي، چې د وژل شوي مېنجور ترڅنګ يې د ملاسنګين په نوم داسې يو ليك موندلى، چې دى په كې جاسوس ګڼل شوى .

خو د پكتيكا ځايي چارواكي وايي چې هغه بې ګناه دى .