د افغانستان په جنوبي ولايت ارزګان کې کې د غاټول په نامه د ښځو يوه ښوونيز مرکز د حامد کرزي ملاتړ کړی دی .

په دغه مرکز کې لسګونه ښځې راټولې شوې وې، او حامد کرزی يې د راتلونکو ولسمشر ټاکنو غوره کانديد وباله .

همدارنګه، په کندهار، غزني، سرپل او باميان کې هم د کرزي په ملاتړ غونډې جوړې شوې وې .

خو په پکتيکا او غزني ولايتونو کې يو شمېر قامي سپين روبو د عبدالله عبدالله په ملاتړ راټول شوي ول .

په خوست کې بيا د شهنواز تڼي په ملاتړ غونډه جوړې شوې وه .

په ختيځ جلال اباد ښار کې د اشرف غني احمدزي په ملاتړ غونډه وشوه، چې ملاتړ يې د کابل – جلال اباد لاره د نيم ساعت لپاره تړلې هم وه او په تظاهراتو يې لاس پورې کړی و .

همدارنګه، په بغلان ولايت کې د اشرف غني احمدزي پلويانو هم تظاهرات وکړل، او په کندز ولايت کې هم د اشرف غني احمدزي پلويان له اخ وډب سره مخامخ شول .

خو د دغه ولايت چارواکي وايي پرته له دې چې دوی د ملاتړ د غونډو په جوړولو خبرشي، ملاتړ يې په خپلسرې توګه غونډه جوړه کړې وه .

د افغانستان د ټاکنو د خپلواک کميسيون د شکايتونو د اورېدو کميسيون چارواکي وايي چې دغه کميسيون ته د ځينو کانديدانو په اړه شکايتونه رسول شوي، چې دوی يې له امنيتي ځواکونو سره په ګډه څېړنه کوي .