وسله والو طالبانو ادعا کړې، چې په چاودنه کې يوولس بهرني پوځيان و‌ژل شوي دي .

ايتلافي ځواکونه وايي په بريد کې دوه بهرني پوځيان ټپيان شوي، خو وسله وال طالبان ادعا کوي، چې ځانمرګي بريد ١١ بهرني پوځيان وژلي يو شمېر نور يې ټپيان کړي دي .

بهرنيو ځواکونو د ټپي شويو پوځيانو د هويت په اړه څه نه دي ويلي.

تېره اوونۍ هم په دغه ولايت کې پر بهرنيو ځواکونو ځانم‍رګی بريد وشو، دوه ايټالوي پوځيان يې ووژل او درې نور يې ټپيان کړل .

بهرني ځواکونه وايي ټپيان يې روغتون ته لېږدولي او له چاودنې وروسته سيمه افغان او بهرنيو ځواکونو کلابنده کړه .

بل خوا ايتلافي ځواکونو او افغان پوليسو په يوۀ گډه خبرپاڼه کې ويلي چې د زابل په ولايت کې له وسله والو طالبانو سره په نښته کې يو وسله وال طالب او بل ولسي وگړى وژل شوي دى .