مصطفى سالک له کابله

په اوسمهال کې د نړيوال بازار په کچه ترکيه او د امريکې متحده ايا لتونه د مميزو صادرولو په برخه کې د افغانستان لوى سيالان بلل کېږي.

دغه اداره وايي که د مميزو پروسيس او بسته بندۍ ته پوره پاملرنه وشي افغانستان به ددغې مېوې يو لوى نړيوال صادرونکى هېواد شي.

د دغې ادارې مشر سيد سليمان فاطمي وايي چې دغه کچه د تېر کال په پرتله ١٢ په سلو کې ډېروالى ښيي.

د روسيې په گډون د منځنۍ اسيا ځينې هېوادونه، هندوستان، او دوبۍ د افغانستان د مميزو اخيستونکي بلل شوي دي.

د افغانستان د پراختيا او صادراتو اداره وايي د دغې وچې ميوې په صادراتو کې ځکه ډېروالى راغلى چې ځينو افغان سوداگرو په دې برخه کې پانگونه کړې او د مميزو د پروسس او بسته بندۍ کارخانې يې جوړې کړې دي.

سربېره پر دې دغه اداره وايي چې نړيوالو نندارتونونو هم د افغانستان د وچې مېوې د معرفي کولو په برخه کې پام وړ رول لوبولى،چې د صادراتو د کچې د لوړولو په برخه کې له پامه نه شي لوېدى .

په اوسمهال کې د نړيوال بازار په کچه ترکيه او د امريکې متحده ايا لتونه د مميزو صادرولو په برخه کې د افغانستان لوى سيالان بلل کېږي.

د افغانستان د پراختيا او صادراتو اداره وايي که د مميزو د پروسيس او بسته بندۍ په برخو کې اړينه پانگونه وشي، دغه وچه مېوه به تر قالينو وروسته تر ټولو گټور صادراتي توکى وبلل شي.

د ځينو اټکلونو له مخه افغانستان د وچې مېوې له درکه هر کال د يو ميليارد ډالرو صادراتو ظرفيت لري. خو په وسمهال کې دغه هيواد هر کال د ١١١ ميلونو ډالرو په ارزښت وچه مېوه نورو هېوادونو ته لېږي.