ميرويس افغان بي بي سي پښتو ټکى کام

	په وژل شويو کسانو کې ماشومان هم شامل دي .

ځانمرگى بريد د اروزگان ولايت په د هراود ولسوالي کې نن يکشنبه (د جولاى١٣) شاوخوا لس نيمې بجې وشو .

ځايي اوسېدونکو بي بي سي ته وويل چې بريد کوونکى پر موټر سايکل سپور و او د دهراود ولسوالۍ پر لويه څلور لارې يې د پوليسو ولاړ موټر په نښه کړ.

د اروزگان امنيه قوماندان جمعه گل همت بي بي سي ته وويل چې تر دا مهاله ٢١ کسان وژل شوي چې څلور يې پوليس او ١٧يې ولسي وگړي دي .

ده دټپيانو شمېره ٤٣ کسان ياده کړه، چې ٥ يې پوليس او ٣٨ يې عام وگړي دي .

ښاغلي همت زياته چې دغه ځانمرگى بريد د پوليسو د يوې لېوا پر قومندان نورمحمد همکار شوى دى .

دده په وينا په بريد کې نوموړى قومندان له خپلو څلورو پوليسو سره وژل شوي دي .

ددغه بريد پړه لا تراوسه چا پرغاړه نه ده اخيستې .

په وژل شويو کسانو کې ماشومان هم شامل دي .

سيمه ييز خلک وايي چې له چاودنې وروسته هرې خوا ته مړي او ټپيان پراته ول چې ډېرى يې د بازار هټيوال او ولسي وگړي دي .

په دې وروستيو کې دغه دويم ځانمرگى بريد دى چې پکې په ولسي وگړو ته مرگ ژوبله اوړي .

تر دې وړاندې تېره اوونۍ په کابل کې د هند سفارت په نښه کړ چې په کې ٤٠ کسان ووژل شول او ترې ١٤٠ ډېر نور ټپيان شول .