حنان حبيبزى له کابله

	خبريالان هم لکه د ټولنې نور عادي وگړي ددې جگړې له زيانونو څخه خوندي نه دي .

دې ټولنې په څو پيښو کې دافغانستان دخبريالانو دوژنو، نيولو او ځورولو يادونه کړې او ادعايې کړې چې د رسنيو د کارکونکو په وړاندې ډير تاوتريخوالى ددولتي ځواکونو له خوا ترسره شوى دى.

خو افغان چارواکو د راپور هغه برخه بې بنسټه بللې ده چې گويا دولتي کسانو افغان خبريالان ځورولي دي .

د سوېلي اسيا د رسنيو ددې ټولنې چارواکو د يو راپور په خپرولو سره وويل چې د٢٠٠٧ زيږدي کال په اوږدو کې پنځه تنه خبريالان په افغانستان کې وژل شوي او ٦٠ تنه نور په جسمي ډول ځورول شوي دي.

په افغانستان کې د سفما يا د سوېلي اسيا د خپلواکو رسنيو د ټولنې يو چارواکي ضيا بوميا وويل چې ١٠ تنه نور خبريالان په تيرو مياشتو کې نيول شوي دي.

ده د خبريالانو په وړاندې د تاوتريخوالي د ډيرى پيښو پړه پر دولتي کسانو واچوله:

خو د افغانستان د اطالاعاتو او کولتور د وزارت مرستيال مبارز راشيدي ددې راپور ځينې برخې چې خبريالان ددولتي کسانو له خواځورول شوي دي ناسمې وبللې او ويويل چې دولت دوينا د خپلواکۍ ملاتړ کوي.

افغانستان چې لا هم د جنگ جگړو او تاوتريخوالي ډگر دى ، خبريالان هم لکه د ټولنې نور عادي وگړي ددې جگړې له زيانونو څخه خوندي نه دي .

جگړيز تاوتريخوالى ، د نشيي توکو قاچاق کونکي او نورې جنايي ډلې دخبريالانو د کار په وړاندې ستونزې راولاړوي .

ښاغلي بوميا وويل ، دوى داسې راپورونه هم لري چې په ځينې برخو کې نړيوالو ځواکونو افغان خبريالان ځورولي دي .