د افغانستان د حکومت نهه پاتې غړي تر څه له پاسه دوه کلن ځنډ وروسته بيا ولسي جرگې ته د تاييد لپاره وړاندې کېږي.
د افغانستان د حکومت نهه پاتې غړي تر څه له پاسه دوه کلن ځنډ وروسته بيا ولسي جرگې ته د تاييد لپاره وړاندې کېږي.
د حامد کرزي د کابينې مخکنى لست چې تر بيا ولسمشر کېدو لږ وروسته يې چمتو کړى و، وکيلانو د ١٣٨٨ کال په ژمي کې نژدې ټول رد کړ.
نوى لست د ولسي جرگې نوي ترکيب ته وړاندې کېږي چې پخپله هم دا تېرې اوږدې مياشتې د خپلو مشرانو پر ټاکنه سره ويشل شوې ده.
قانون له وکيلانو غواړي چې وزارتونو ته کانديد کسان د مسلکي وړتيا او شخصي ځانگړتيا له پلوه وارزوي او د عدالت له مخې يې د تاييد يا رد پرېکړه وکړي.
خو ځينې وايي چې په تېرو ټاکنو کې داسې نه دي شوي او قومي، تنظيمي يا مذهبي تړاوونو د وکيلانو پر رايو سيورى غوړولى و.
غواړو په دې خپرونه کې گرانو اورېدونکو او ليدونکو له تاسې واورو چې د وزير د غوراوي لپاره معيارونه څه دي چې ولسي استازي يې بايد په پام کې ونيسي.
په خپرونه کې د گډون لپاره د پنجشنبې پر ماښام د سټوډيو شمېرې: ۰۰۴۴۲۰۷۸۳۶۰۳۳۱ ته زنگ راووهئ.
دغه راز لنډ ليکلى، غږيز يا ويډيويي نظرPashto@bbc.co.ukته هم راستولى شئ.
پر ملفون (موبايل) د لنډ نظر د رالېږلو شمېره ده: ۰۰۴۴۷۷۸۶۲۰۸۸۸۸
د خپرونې مېلمنه او وړاندې کوونکى د پنجشنبې پر ماښام ستاسې لار څاري.
د دې اوونۍ ستاسې غږ داود جنبش وړاندې کوي.
~RS~a~RS~pashto~RS~q~RS~~RS~z~RS~05~RS~){kind=small}
