پاکستان له خپلې لارې افغانستان کې د ناټو ځواکونو پر تیلي ټانکرو او اکمالاتي توکو د مالیې د وضع کولو غوښتنه وکړه.
پاکستان وايي چې د افغانستان او د ناټو له پوځي مشرانو سره د افغانستان او پاکستان پر ګډه پوله د امنیتي مسایلو پر سر خبرې کوي.
رویټرز خبري اژانس د پاکستان د پوځ په حواله ویلي، په دې ناسته کې د پاکستان د پوځ مشر جنرال اشفاق ندیم احمد هم ګډون لري.
پاکستان وايي چې دا ناسته د پاکستان، افغانستان او ناټو د همغږۍ په هغه ګډ مرکز کې جوړېږي، چې پر پوله یې تېر کال جوړ کړی دی.
په دې ناسته کې د درېواړو ترمنځ د پوځي همغږۍ په اړه هم خبرې کېږي.
د تېر نومبر په وروستیو کې د ناټو هوايي برید د پاکستان په قبایلي سیمه کې ۲۴ پاکستاني پوځيان ووژل.تر هغه وروسته د واشنګټن او اسلام اباد ترمنځ اړیکي سخت ترینګلي شول.
پاکستان له خپلې لارې افغانستان کې د ناټو ځواکونو پر تیلي ټانکرو او اکمالاتي توکو د مالیې د وضع کولو غوښتنه وکړه.
همداشان، پاکستان د افغانستان په اړه د جرمني د بن په دویم کنفرانس کې هم د نه ګډون اعلان وکړ.
او تېره میاشت د پاکستان او افغانستان لپاره د ولسمشر بارک اوباما ځانګړي استازي مارک ګروسمن ته هم اسلام اباد خپلې خاورې ته د داخلېدو اجازه ورنه کړه.
اسلام اباد ویل چې په دې حساس وخت کې پاکستان ته د ښاغلي ګروسمن سفر کومه ګټه نه لري.مارک ګروسمن له نوي ډیلي کابل او بیا قطر ته ولاړ.
~RS~a~RS~pashto~RS~q~RS~~RS~z~RS~24~RS~){kind=small}
