افغانستان ته بیرته ستنیدونکي کډوال سرپناه غواړي
د افغانستان د کډوالو چارو وزارت وايي ددغه هېواد په يو شمېر ولايتونو کې زورواکانو پر هغو مېنو خېټه اچولې چې د وزارت له خوا بېرته راستنېدونکو کډوالو ته ځانگړې شوې دي.
تردې مهاله افغان حکومت د افغانستان په ټولو ۳۴ ولایتونو کې ۶۰ مېنې بېرته راستنېدونکو کډوالو ته منلې دي.
له دې ټولگې څخه په ٢٧ مېنو کې بېرته راستانه شوي وگړي ژوند کوي، خو اوس د کډوالو وزارت وايي چې په ننگرهار، کابل او غزني ولايتونو کې ددوى له خوا ټاکل شوې مېنې د زورواکانو له خوا لاندې شوې دي.
چارواکي بېلګه راوړي چې يو سیمه یيز زورواکان د ننگرهار په شيخ مصري مېنه کې له لس زره متر مربع ځمکې نه ديوال تاو کړی دى.
د کډوالو چارو وزارت وياند اسلام الدين جرأت پر امنيتي چارواکو داسې تور لګوي چې گواکې د زورواکانو ملاتړ کوي:
''دلته دوه خبرې دي، يا امنيتي بنسټونه کمزوري دي، يا د امنيتي بنسټونو مرسته ده چې زورواکي د کډوالو لپاره ځانګړې شوې مېنې نیسي. که د امنيتي بنسټونو مرسته نه وي څنگه پر رڼا ورځ يو غاصب د کډوالو چارو وزارت ځمکې لاندې کوې.''
دلته دوه خبرې دي ، يا امنيتي بنسټونه کمزوري دي ، يا د امنيتي بنسټونو مرسته ده چې زورواکي د کډوالو لپاره ځانګړي شوي ښارګوټي نیسي .که د امنيتي بنسټونو مرسته نه وي څنگه پر رڼا ورځ يو غاصب د کډوالو چارو وزارت ځمکې لاندې کوې .
د کډوالو چارو د وزات ویاند
ښاغلي جرأت وويل د کډوالو چارو وزارت يو پلاوى له ړنگوونکو ماشينونو سره د کابل د بگرامۍ ولسوالۍ مموزي مېنې ته ورغى چې خپلسري ديوالونه ړنگ کړي، خو وايي ولسوال ورسره له تللو نه انکار وکړ.
د کډوالو چارو وزارت وياند وويل که دوى چاته د ځمکې سند ورکړي، د زورواکانو له خوا په مرگ گواښل کېږي او که د وزارت کارکوونکي د کرښو اچولو لپاره ورشي په کاڼو او کوتکونو وهل کېږي.
د کډوالو چارو وزارت وايي اوس يې پرېکړه کړې ده چې دا ستونزه د افغانستان امنيت شوری او وزيرانو شوری ته واستوي چې د هواري لپاره يې يوه لاره بيا مومي.
~RS~a~RS~pashto~RS~q~RS~~RS~z~RS~48~RS~){kind=small}
