بي بي سي پښتو ټکی کام
د وروستي خبر د خپريدا وخت جون 9, 2011 گرينويچ 10:22
د واده پر مراسمو برید ۹ کسه وژلي
تر اوسه هېڅ يوې ډلې د دغه بريد پړه پر غاړه نه ده اخيستې او نه يې هم لامل روښانه دی.
افغان چارواکي وايي د افغانستان په ختيځ کې د واده پر مراسمو د ناپېژاندو وسله والو په بريد کې لږ تر لږه ۹ کسه وژل شوي دي.
په بريد کې څلور کسه نور ژوبل شوي دي.
پېښه د ننګرهار د دربابا په ولسوالۍ کې شوې او ځايي چارواکي وايي هغه مهال رامنځته شوه چې وسله والو په هغه کور ډزې وکړې چې د واده مراسم په کې روان وو.
تر اوسه هېڅ يوې ډلې د دغه بريد پړه پر غاړه نه ده اخيستې او دغه راز يې لامل هم نه دی روښانه.
په افغانستان کې د واده پر مراسمو څو ځله هوايي بمبارد او بمي چاودنې شوي دي، خو دا لومړی ځل دی چې د واده د مراسمو ګډونوال د وسله والو کسانو له لوري په ډزو وژل کېږي.
ننګرهار يو له هغو ولايتونو نه دی چې تر ډېره په کې د تاوتريخوالي پېښې کېږي او د دغه ولايت يو شمېر لرې پرتې ولسوالۍ زياتې ناامنه دي.
وروستي
~RS~a~RS~pashto~RS~q~RS~~RS~z~RS~48~RS~){kind=small}
bbc.co.uk navigation
د بي بي سي لينکونه
BBC © 2012 .بي بي سي د پرديو ويبپاڼو د مطالبو مسووليت نه اخلي
.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .