افغانستان

افغان حکومت يو ځل بيا له پاکستانه غوښتنه کړې ده چې د افغان زده کوونکو هغه نژدې څلورنيم ميلیونه کتابونه افغانستان ته پرېږدي چې په هغه هېواد کې ايسار کړل شوي دي.

د افغانستان په جنوب ختيځ پکتیا ولایت کې سیمه ییزو چارواکو ویلي چې د ناټو هوايي برید لږترلږه د یوې کورنۍ اته غړي وژلي شوي دي. وژل شوو کې ماشومان هم شامل دي.

افغانستان کې مېشتو ناټو ځواکونو ویلي چې د تېرې شنبې په ورځ یې د هېواد په بېلابېلو پېښو کې لږترلږه څلور پوځيان وژل شوي.

د نشه ېي توکو دجرمونو لومړې محکمې په کابل کې د پولیسو دوه تنه مسولین په یو نیم او پنځه کاله بند محکوم کړي دي. له دغو کسانو نه یو په دنده کې د بې پروایۍ او بل تن د الکولو له یو قاچاق وړونکې سره د مرستې په تور زندان ته لویدلي دي.

د افغانستان د روغتيا وزارت وايي چې د دغه هيواد په نا ارامه سويلي ولايتونو کې د ماشومانو د گوزڼ دايمي کمپاين پيلوي، چې وايي کال ۱۲ مياشتې به روان وي.

افغان ولسي استازو له امريکا سره د ستراتيژيکو همکاريو سند چې د مې په سر کې لاسليک شوى و، په لوى اکثريت تصويب کړ. سند په افغانستان کې د امريکا اوږد مهالي پوځي شتوالي ته لار پرانيزي، که څه هم ټينگار کوي چې دا به د پوځي اډو د جوړولو مانا ونه لري.

افغان چارواکي وايي د کانونو په برخه کې د مسلکي کادرونو د روزلو په موخه به ډېر ژر دوه ستر انستیتونه جوړ کړي. د کانونو وزیر په وینا ددغو تعلیمي موسسو د جوړولو د چارو پلان بشپړ شوی او چارې به یې ژر پیل کړي.

د فرانسې ولسمشر فرانسوا اولاند چې په یوه ناڅاپي سفر افغانستان ته راغلی و، د افغان ولسمشر حامد کرزي سره په ګډې خبري غونډه کې وویل چې د روان عیسوي کال تر پایه به د فرانسې جنګي ماموریت په افغانستان کې پای ته ورسیږي.

د افغانستان په شمال کې د بلخ ولایت بڼوال وايي چې تر اوسه دولت ورته سړې خونې نه دې جوړې کړي چې دوی په کې خپلې میوې تازه وساتي. دا مهال د هېواد په یو شمېر برخو کې تازه میوې پخې شوې دي.

افغانستان، ترکمنستان، پاکستان او هندوستان يو داسې تړون لاسليک کړى چې پر بنسټ به يې د گاز ستره نل ليکه د افغانستان له لارې پاکستان او هندوستان ته وغځول شي. دا نل ليکه به نژدې دوه زره کيلو متره اوږده وي، چې ډيره برخه به يې د افغانستان له خاورې تيريږي.