Saint Patrick's Journey

Slave / Herd

Whun A furst cum here, iveriethin lukt strange tae me - tha fowk, tha kintrieside, even tha meat. The’ taak’t Airish instead o tha Latin A wus uised tae - an tha claes wur naethin lake tha ‘toga’ A uised tae pit on.

A whiled awa tha days lukkin efter ma sheep an keepin them frae attecks by wile beece an wolves. Whiles a sheep wud wannèr aff an A haed tae gang lukkin fur it. It wus a quare day’s darg, aye ootside in aa wather.

Thair’s a wheen o fowk houl A wus a slave at Slaimish in Coontie Antrim – an a hanfu o ithers ledge A wus in Coontie Mayo. Aa A’ll say is, that it wus a lang, lang wye frae hame.

Twa guid things did cum oot o ma time as a slave. A becum a true Christian an whiles A wud mak a hunner prayers in tha yin day! A lairnt tae taak Airish forbye. A didnae ken it back then – but this wud be quare an uisefu tae me in future.

 

In order to see this content you need to have both Javascript enabled and Flash installed. Visit BBC Webwise for full instructions

Glossary
Next Page

BBC navigation

BBC © 2014 The BBC is not responsible for the content of external sites. Read more.

This page is best viewed in an up-to-date web browser with style sheets (CSS) enabled. While you will be able to view the content of this page in your current browser, you will not be able to get the full visual experience. Please consider upgrading your browser software or enabling style sheets (CSS) if you are able to do so.