Music / Ceol


MOYA BRENNAN
Rugadh agus tógadh Máire Ní Bhraonáin i nGaoth Dobhair i dTír Chonaill. Bhí a máthair, BaBa, sáite i dtraidisiún an cheoil ghaelach agus bhí a hathair, Leo, ina bhaill den Slieve Foy Dance Band ar feadh blianta go dtí gur cheannaigh sé a theach tabhairne féin i Mín a Leice, i gceantar na Rosa i dTír Chonaill áit a mbíonn sé ag ceol agus ag seinm ar an bhosca ceoil go fóill.
Chaith Máire a saol ag ceol i gcuideachta a huncail agus a cuid deartháireacha ins an ghrúpa Clannad agus bhain siad clú agus cáil amach fud fad an domhain. Sea, déanann gach rud ciall, agus tá na buntréithe céanna seo le fáil i mórchuid de cheoltóirí cáiliúla na cruinne.

Watch a clip of Moya

Ina cuid ceoil, ní raibh Moya ariamh sásta an gnáth stíl tradisiúnta, socúil, compordach a leanúint. Bhíodh sí ag seinim mar pháiste sna hallaí damhsa lena athair Leo, bhí sí meallta ag na glórthaí a léithéidí Joni Mitchell agus na Beach Boys, sular bheartaigh sí fhéin, in éineacht lena grúpa Clannad, ar aistear diamhrach ag baint usáid as stair saibhir agus ceol fonnmhar Ceilteach ona dúchas.
Bhí Moya i gconaí dírithe go dian ar a cuid oibre a rith a haistear éagsúl trí hallaí scoile, clubanna ceoil traidisiúnta, féilte, dioscóanna, tithe pobail agus na hallaí ceolchoirmeacha is cáiliúla sa domhain. Téann áilleacht a ceol agus cumhacht a fuaimeanna go smior san éisteoir. Go ciúin, gan stad gan staonadh, tá a cuid amhráin agus ceol ag déanamh athfhorbairt ar cheoil Gaelach.

Watch another clip of Moya

www.moyabrennan.com


MAIRÉAD NÍ MHAONAIGH

Rugadh agus tógadh Mairéad Ní Mhaonaigh i nGaeltacht Ghaoth Dobhair i dTír Chonaill. Mar a deir na seanfhocail, ‘mar a bhíos an cú, bíonn an coileán’ nó ‘Is treise dúchais ná oiliúint’, agus is fíor seo do Mhairéad, mar is cinnte nár thóg sí féin an ceol den bhealach mhór. Ba é a hathair Francie a spreag í i dtreo na fidiléireachta, chomh maith le cuairteoirí a tháinig chun tí go rialta, an fidiléir clúiteach Dinny Mc Loughlin ina measc. Tá croí Mairéad sa cheol chomh maith agus fuair sí an chuid is mó dena hamhráin a cheolann sí ó dhaoine sa cheantar áitiúil.

Watch a clip of Mairead

Tháinig casadh beag i saol Mhairéad le gairid nuair a rugadh an chéad leanbh di féin agus dá fear céile Dermot Byrne, bocsadóir cáiliúil ón ghrúpa ‘Altan’ chomh maith. Agus más fíor dona seanfhocail thuas luaite, tá an ghirseach bheag seo, Nia, ag gabháil a bheith iontach iontach ceolmhar.

Tá tuilleadh eolais le fáil faoin ghrúpa ‘Altan’ ag www.altan.ie


THE HOTHOUSE FLOWERS

D’éisigh na Hothouse Flowers albám úr s’acu ‘Into Your Heart’ ar an 6ú Feabhra, is é seo an chéad albam a d’éisigh siad taobh istigh de chúig bliana. Fuair Céara agus Michelle an deis a dhul agus labhairt leis an ghrúpa le fáil amach cad é a bhí ar siúl acu idir an dá linn.
Agus an ghrúpa anois ar an mhargadh le fada an lá, níl an brú céanna orthu anois agus mar a bhí. Ciallaíonn sé seo go dtig leo a bheith ag obair ar albam úra ar a gconlan féin.

Watch a clip of The Hothouse Flowers

Ó chuala muid uathu go deireannach i 1997 leis an albam ‘Born’, d’oibir an ghrúpa go haonarach lena leithéidí Luka Bloom, The Waterboys, Midge Ure agus Indigo Girls.
Beidh siad ag tabhairt a n-aghaidh ar Stáit Aontaithe Mheiriceá sa tsamhradh ach idir an dá linn beidh siad ag obair ar dhul chun cinn an albam úr, albam atá siad féin go hiomlán sásta agus paiseanta faoi.

www.hothouseflowers.com


LUKA BLOOM

Rugadh Barry Moore in Nás Condae Chill Dara, condae a bhfuil sé iontach bródúil as. Clann cheolmhar atá ann agus I rith na seachtóidí , thuill a dhearthair Christy clú dó féin mar bhall den ghrúpa Planxty.

Bhunaigh Barry féin agus seanchara scoile dá chuid, Pat Kilbride, banna cheoil darbh ainm Aes Triplex a thug tacaíocht do Planxty nuair a thosaigh siad amach ar an chéad dul síos.

Ach de réir mar a d’éirigh ainm Christie in airde mar cheoltóir Éireannach, b’amhlaidh ba mhó a mhothaigh Barry a bheith faoina scath. Tuairim is fiche bliain ó shoin, agus é ar eitilt chun na stáit Aontaithe.chinn Barry Moore ainm stáitse a bhaisteadh air féin agus saolaíodh Luka Bloom. Anois, bhí féiniúlacht cheart dá chuid féin aige.

Cá bhfuair sé an t-ainm seo? Fuair sé inspioráid ó charactéirí de chuid Suzanne Vega agus ó laoch James Joyce ón úrscéal Ulysses, Leopold Bloom.

Thosaigh sé ag bualadh ceoil i gclúbanna istigh agus thart ar Bhaile Átha Cliath. Chum sé amhráin a cheol a dhéarthair agus Moving Hearts agus léar daoine eile.
www.lukabloom.com

Watch a clip of Luka

Le tuilleadh eolais ar James Joyce agus a chuid scríobhneoireachta -
www.jamesjoyce.ie