Cyhoeddi beirniaid gwobrau i gofio Dylan Thomas

Menna ELfyn Menna Elfyn yw un o feirniaid Gwobr Barddoniaeth Dylan Thomas

Straeon Perthnasol

Mae enwau'r beirdd fydd yn dyfarnu dwy wobr arbennig er cof am Dylan Thomas wedi eu cyhoeddi.

Y beirdd Menna Elfyn a Grahame Davies fydd yn beirniadu Gwobr Farddoniaeth Ryngwladol Dylan Thomas.

Un o feirniaid y Tlws Celf Gwydr Rhyngwladol, yw wyres Thomas, Hanna Ellis.

Mae'r gwobrau yn cael eu cynnal mewn cysylltiad â Phrifysgol Cymru y Drindod Dewi Sant, fel rhan o ddathliadau canmlwyddiant geni'r bardd.

Yn ymuno gyda Hanna Ellis i feirniadu'r Tlws Rhyngwladol Wydr mae'r arlunydd a chyn-lywydd Cymdeithas Dylan Thomas, Glenys Cour, Cadeirydd Meistri Celf Gwydr, Caroline Benyon, a'r Athro Medwin Hughes, sy'n is-ganghellor y Drindod Dewi Sant.

Rhaid i'r beirdd a'r cerflunwyr lunio gwaith o gwmpas y gair "harmoni".

Mae gwobr o £2000 i enillydd y gystadleuaeth farddoniaeth a £1000 i'r celf gwydr, a bydd yr enillwyr yn cael eu comisiynu gan y brifysgol i weithio ar ddarn ar y cyd fel teyrnged i Dylan Thomas.

Dyddiad cau ceisiadau i'r wobr farddoniaeth yw Mawrth 31, a Mai 1 am y wobr gelf gwydr.

Mi fydd yr enillwyr yn cael eu cyhoeddi ym mis Gorffennaf, a bydd y gwaith yn cael ei arddangos yn Amgueddfa Genedlaethol y Glannau yn Abertawe.

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.