Solskjær yn gwylio Caerdydd gyda Tan

Solskjaer Mae'n edrych yn anochel mai Solskjær fydd rheolwr newydd yr Adar Gleision

Straeon Perthnasol

Mae adroddiadau bod Caerdydd ar fin cyhoeddi Ole Gunnar Solskjær fel eu rheolwr.

Fe wnaeth y gŵr o Norwy hedfan i Lundain i gynnal trafodaethau gyda pherchennog y clwb Vincent Tan a'r cadeirydd Mehmet Dalman gyn y gêm yn erbyn Arsenal sy'n cael ei chynnal yn Stadiwm yr Emirates.

Roedd Solskjær i'w weld yn y dorf yn ystod y gêm yn eistedd wrth ymyl Tan a Dalman.

Ole Gunnar Solskjær A fyddai Solskjær yn ddewis poblogaidd gyda'r cefnogwyr?

Er bod adroddiadau'n Norwy'n honni fod cytundeb eisoes wedi cael ei gytuno, mae'r BBC yn deall mai mewn egwyddor yn unig mae cytundeb ar hyn o bryd ond fod Solskjær bron yn sicr am arwyddo.

Mae Mehmet Dalman wedi bod yn cynnal trafodaethau gyda'r cyn chwaraewr Manchester United ers i Malky Mackay gael ei ddiswyddo ddydd Gwener.

Fe wnaeth Tan yrru ei awyren breifat er mwyn cludo Solskjær i Brydain ac mae llawer yn credu y bydd y rheolwr newydd yn derbyn cyflog uchel yn ogystal â sicrwydd y bydd arian i wario ym mis Ionawr.

Mwy Am y Stori Hon

Straeon Perthnasol

Gwleidyddiaeth

Pigion

  • Bryn TerfelCyngerdd i ddathlu pen-blwydd

    Bryn Terfel yn cyhoeddi manylion am gyngerdd i ddathlu ei ben-blwydd yn 50.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.