Mandela: Rhagor o deyrngedau

Nelson Mandela, 1990

Straeon Perthnasol

Fe fydd aelodau seneddol ac aelodau Tŷ'r Arglwyddi yn talu teyrngedau i Nelson Mandela ddydd Llun cyn i'r senedd ddechrau ar ei waith yn ffurfiol.

Cafwyd cadarnhad y bydd y prif weinidog David Cameron yn mynychu gwasanaeth coffa cenedlaethol yn Johannesburg ddydd Mawrth.

Dywedodd llefarydd ar ran Buckingham Palace y bydd y Tywysog Charles yn mynychu'r angladd ddydd Sul, gan gynrychioli'r Frenhines.

Eisoes mae tua 60 o arweinwyr gwledydd y byd wedi cadarnhau y byddant yn mynychu'r angladd.

Hwn fydd y cyfarfod mwyaf erioed o arweinwyr y byd ar gyfandir Affrica.

Yn ogystal ag Arlywydd Barack Obama, bydd yna ddau cyn arlywydd yn bresennol, sef Bill Clinton a George W Bush.

Ddydd Mercher bydd corff Mr Mandela yn cael ei gludo i Pretoria.

Yna, gan ddechrau am 7yb bydd gorymdaith angladdol yn cludo corff Mr Mandela ar hyd strydoedd y brifddinas am dridie yn olynol.

Bydd ei gorff yn cael ei gludo o'r marwdy i neuadd y ddinas ac mae'r llywodraeth wedi annog pobl i wylio'r orymdaith er cof am y cyn arlywydd.

Teulu Mr Mandela fydd yn cael y cyfle cyntaf i weld ei gorff bore Mercher, yna am hanner dydd bydd cyfle i'r cyhoedd fynd i dalu teyrnged.

Yna, bydd ei gorff yn cael ei gludo i'w gartref teuluol yn Qunu yn nhalaith y Penrhyn Dwyreiniol, lle bydd angladd teuluol yn cael ei gynnal ar ddydd Sul, Rhagfyr 15.

Mwy Am y Stori Hon

Straeon Perthnasol

Gwleidyddiaeth

Pigion

  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.