Gwobrau cylchgrawn Selar yn cael eu cynnal yn Aberystwyth

Llun Bromas Bromas wnaeth ennill un o'r gwobrau yn 2012

Bydd cylchgrawn cerddoriaeth Y Selar yn cynnal noson wobrwyo am yr ail flwyddyn yn olynol.

Bydd y seremoni'n cael ei chynnal yn Aberystwyth ar Chwefror 15, yn dilyn digwyddiad ym Mangor fis Mawrth eleni.

Er bod Y Selar yn cynnal pleidlais i ddewis enillwyr gwobrau'r sin gerddoriaeth Gymraeg gyfoes ers rhai blynyddoedd, dyma'r eildro i noson arbennig gael ei chynnal i rannu'r gwobrau.

Dywed Uwch Olygydd Y Selar, Owain Schiavone, eu bod am adeiladau ar lwyddiant y flwyddyn hon:

Start Quote

Rydan ni am weld mwy o bobl nag erioed yn pleidleisio eleni, a wedyn rhoi cyfle iddyn nhw ddathlu efo'r artistiaid buddugol pan fyddwn ni'n cyhoeddi'r enillwyr.”

End Quote Owain Schiavone Uwch Olygydd Y Selar

"Doedd dim dewis ond parhau â'r prosiect ac ehangu'r digwyddiad eleni - mae'r Neuadd Fawr yng Nghanolfan y Celfyddydau'n rhoi sgôp i ni wneud hynny, gydag Aberystwyth yn leoliad canolog all ddenu cynulleidfa o bob rhan o Gymru."

Bydd panel o ddeg, yn cynnwys cyfrannwyr a darllenwyr y cylchgrawn, yn dewis rhestr hir o enwebiadau i bob categori. Yna, bydd y cyhoedd yn dewis yr enillwyr drwy bleidleisio.

Ail-greu cyffro

Mae'r cylchgrawn yn gobeithio y gall y nosweithiau dyfu i efelychu llwyddiant nosweithiau Gwobrau Sgrech ddechrau'r 1980au, gan roi cyfle i artistiaid a'u cefnogwyr ddathlu gyda'i gilydd. Medd Owain Schiavone:

"Roedd rhain yn ddigwyddiadau enfawr ac yn binacl blynyddol i'r sin gerddorol ac ar sail y digwyddiad ym mis Mawrth mae rheswm i gredu y gall Gwobrau'r Selar greu yr un math o gyffro."

Bydd rhagor o fanylion, yn cynnwys pwy fydd yn perfformio, yn cael eu cyhoeddi dros yr wythnosau nesaf.

Mwy Am y Stori Hon

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.