John Hartson yn gadael ei swydd gyda thîm pêl-droed Cymru

John Hartson Dywedodd John Hartson bod ei waith fel sylwebydd yn cymryd mwy a mwy o'i amser

Straeon Perthnasol

Mae John Hartson wedi cyhoeddi ei fod am adael swydd hyfforddwr cynorthwyol tîm pêl-droed Cymru ar unwaith.

Roedd cyn ymosodwr Cymru, Arsenal a West Ham wedi bod yn aelod o dîm hyfforddi Chris Coleman yn ystod ymgyrch y tîm cenedlaethol yn rowndiau rhagbrofol Cwpan y Byd 2014.

Dywedodd Hartson mai "rhesymau teuluol" oedd wrth wraidd y penderfyniad.

Dywedodd: "Rwyf wedi mwynhau pob eiliad o f'amser gyda Chymru. Mae pawb yn gwybod am fy angerdd tuag at fy ngwlad.

"Mae fy ngwaith fel sylwebydd i'r BBC yn cymryd mwy a mwy o f'amser. Gyda phlentyn arall ar y ffordd mae angen i mi dreulio mwy o amser gyda'r teulu.

"Rwyf wedi dysgu llawer yn gweithio gyda Chris (Coleman), Kit (Symonds) ac Osian (Roberts).

"Rwy'n dymuno'r gorau iddyn nhw at y dyfodol ac yn wir obeithio y byddan nhw'n cyrraedd rowndiau terfynol cystadleuaeth Euro 2016."

Ychwanegodd prif weithredwr Cymdeithas Bêl-droed Cymru, Jonathan Ford:

"Rydym yn deall y rhesymau y tu ôl i benderfyniad John. Rydym yn ymwybodol o'i angerdd tuag at bêl-droed Cymru ac yn gobeithio y bydd yn parhau i chwarae rhan yn natblygiad y gêm ar bob lefel yng Nghymru."

Mwy Am y Stori Hon

Straeon Perthnasol

Gwleidyddiaeth

Pigion

  • Catrin BeardAdolygiad y wasg a'r blogiau Cymraeg

    Dyfodol yr Eisteddfod Genedlaethol, enwau Americanwyr enwog o dras Gymreig a dysgu Cymraeg i oedolion yw rhai o'r pynciau dan sylw.


  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.