Digwyddiadau'n dathlu bywyd actor yn Nyffryn Afan

Richar Burton Cafodd yr actor ei eni ym Mhontrhydyfen

Straeon Perthnasol

Nod nifer o ddigwyddiadau y mis hwn yw dathlu bywyd yr actor byd-enwog Richard Burton o Bontrhydyfen.

Tîm Twristiaeth Cyngor Castell-nedd Port Talbot sy' wedi trefnu'r digwyddiadau.

"Ddydd Sul mae Ras Etifeddiaeth Richard Burton yn dechrau, ras 10 cilometr sy'n denu rhedwyr o bob rhan o Brydain," meddai llefarydd.

"Yr un diwrnod mae arddangosfa yng Nghanolfan Gymunedol Cwmafan yn cynnwys deunydd o archifau Prifysgol Abertawe.

"Mae'r hanesydd lleol Allen Blethyn yn bresennol."

Taith gerdded

Bydd taith gerdded ar hyd Llwybr y Man Geni ym Mhontrhydyfen ar Dachwedd 4 ac un arall ar hyd y Llwybr Plentyndod yn Nhaibach a chanol Port Talbot ar Dachwedd 23.

Ar Dachwedd 20 yn Llyfrgell Taibach bydd yr Athro Chris Williams o Brifysgol Caerdydd, golygydd dyddiaduron yr actor, yn trafod ei fywyd.

Dechreuodd y dyddiaduron pan oedd yr actor yn blentyn yn Nhaibach.

Ar Dachwedd 27 yn Nhafarn y Glowyr ym Mhontrhydyfen bydd y ffilm ddogfen In From the Cold? The World of Richard Burton yn cael ei dangos a'r cyfarwyddwr Tony Palmer yn ateb cwestiynau.

Dywedodd arweinydd y cyngor Ali Thomas: "Richard yw un o'n meibion enwoca' ... ac rwy'n siŵr y bydd llawer o bobol leol a rhai tu hwnt yn gwerthfawrogi mwy o wybodaeth am y dyn lleol ddaeth yn actor yn Hollywood."

Mwy Am y Stori Hon

Straeon Perthnasol

Gwleidyddiaeth

Pigion

  • Bryn TerfelCyngerdd i ddathlu pen-blwydd

    Bryn Terfel yn cyhoeddi manylion am gyngerdd i ddathlu ei ben-blwydd yn 50.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


  • Bae Rhosili Mwy o draethau'n cyrraedd y safon

    Mae'r Gymdeithas Gadwraeth Forwrol yn dweud bod 71.7% o draethau Cymru wedi cyrraedd y safon gorau posib o ran cyflwr y dŵr.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.