Carcharu nain a thaid am ddirmyg llys

Alice Davies a Jaqueline Davies Daeth yr awdurdodau o hyd i Jaqueline Davies a'i merch yn Rwsia

Straeon Perthnasol

Mae nain a thaid merch bump oed oedd wedi diflannu wedi cael eu carcharu am 12 diwrnod am ddirmyg llys.

Roedd Brian a Patricia Davies o Bentyrch yng Nghaerdydd wedi gwrthod datgelu lleoliad eu merch Jaqueline Davies a'u hwyres Alice.

Cafodd modryb y plentyn, Melanie Williams, ei charcharu am 12 diwrnod am yr un drosedd.

Rwsia

Yna cafodd y tri eu rhyddhau yn syth gan eu bod eisoes wedi treulio'r amser dan glo.

Clywodd y llys fod Jaqueline Davies a'i merch Alice bellach wedi dod i'r fei yn Rwsia ac mae disgwyl iddyn nhw ddychwelyd i'r DU yr wythnos nesaf.

Yn adran deulu yr Uchel Lys dywedodd y barnwr Mr Ustus Keehan fod yr awdurdodau wedi dod o hyd i'r ddwy oherwydd cyhoeddusrwydd am yr achos.

Anghydfod

Roedd anghydfod wedi bod rhwng Ms Davies a thad ei merch, Julian Brown, peiriannydd nwy 49 oed o Aldershot.

Penderfynodd llys y dylai Mr Brown weld ei merch ond diflannodd y fam a'r ferch cyn i'r gorchymyn gael ei weithredu.

Dywedodd Mr Brown ddydd Mercher: "Dwi ar ben fy nigon gan nad wyf wedi gweld Alice ers dwy flynedd."

Mwy Am y Stori Hon

Straeon Perthnasol

Gwleidyddiaeth

Pigion

  • Catrin BeardAdolygiad y wasg a'r blogiau Cymraeg

    Dyfodol yr Eisteddfod Genedlaethol, enwau Americanwyr enwog o dras Gymreig a dysgu Cymraeg i oedolion yw rhai o'r pynciau dan sylw.


  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.