Gareth Bale ar restr fer gwobr Ballon d'Or

Gareth Bale Mae Gareth Blae ymlith 22 o chwaraewyr eraill y byd ar restr fer gwobr FIFA, Ballon d'Or.

Straeon Perthnasol

Mae'r pêl-droediwr Gareth Bale wedi ei enwebu ar gyfer gwobr chwaraewr gorau'r byd.

Y Cymro 24 oed sy' ymhlith enwau mawr eraill fel Lionel Messi a Cristiano Ronaldo ar restr gwobr FIFA, y Ballon d'Or.

Cafodd 23 o enwau eu dewis ac mi fydd yr enillydd yn cael ei gyhoeddi ar Ionawr 13 yn Zurich.

Does dim chwaraewyr o Loegr, Gogledd Iwerddon na'r Alban ar y rhestr fer.

Bale yw'r chwaraewyr drutaf yn y byd ar ôl iddo symud o Tottenham i Real Madrid ym mis Medi am swm o 100 miliwn ewro.

Chwaraewr Barcelona a'r Ariannin Lionel Messi sydd wedi ennill y wobr am bedair blynedd yn olynol.

Ond mae nifer yn dweud bod cyd-chwaraewr Bale ym Madrid, Cristiano Ronaldo yn ffefryn eleni.

Enw arall allai gipio'r wobr eleni ydy Franck Ribery, chwaraewr gorau Ewrop UEFA yn 2012-13.

Mae cyn-hyfforddwr Manchester United, Syr Alex Ferguson wedi ei enwebu ar gyfer hyfforddwr y flwyddyn.

Y rhestr lawn o'r chwaraewyr sydd ar y rhestr fer yw:

1. Gareth Bale

2. Edinson Cavani

3. Radamel Falcao

4. Eden Hazard

5. Zlatan Ibrahimovic

6. Andres Iniesta

7. Philipp Lahm

8. Robert Lewandowski

9. Lionel Messi

10. Thomas Muller

11. Manuel Neuer

12. Neymar

13. Mesut Özil

14. Andrea Pirlo

15. Franck Ribery

16. Arjen Robben

17. Cristiano Ronaldo

18. Bastian Schweinsteiger

19. Luis Suarez

20. Thiago Silva

21. Yaya Toure

22. Robin van Persie

23. Xavi

Mwy Am y Stori Hon

Straeon Perthnasol

Gwleidyddiaeth

Pigion

Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.