Diswyddo Mike Phillips

Mike Phillips Roedd cytundeb Mike Phillips i fod i bara tan Fehefin 2014

Straeon Perthnasol

Mae adran chwaraeon y BBC ar ddeall bod cytundeb mewnwr Cymru Mike Phillips wedi cael ei ddiddymu gan ei glwb Bayonne yn dilyn honiad iddo fynd i gyfarfod hyfforddi o dan ddylanwad alcohol.

Bu Phillips yn cyfarfod gyda swyddogion y clwb dros y penwythnos, ac fe gafodd wybod y bydd ei gytundeb yn cael ei ddirwyn i ben.

Fe fydd y chwaraewr 31 oed yn derbyn cadarnhad trwy lythyr ddydd Llun.

Ymunodd Phillips â Bayonne o'r Gweilch yn 2011, ac roedd ei gytundeb gyda'r clwb o Ffrainc i fod i redeg gan Fehefin 2014.

Ymddangosodd Phillips gerbron bwrdd y clwb ddydd Mawrth i ateb honiadau iddo gyrraedd am sesiwn dadansoddi fideo o dan ddylanwad alcohol.

Roedd dau chwaraewr arall - Dwayne Haare a Stephen Brett - yn wynebu'r un honiad, ond Phillips oedd yr unig un o'r tri i gael ei wahardd.

Nos Iau fe ymddiheurodd Phillips i gefnogwyr Bayonne ar ei wefan Twitter.

Cafodd Phillips ei wahardd gan Bayonne am gamymddwyn oddi ar y cae yn flaenorol, ac fe gafodd waharddiad gan Gymru yn 2011 yn dilyn digwyddiad yng nghanol Caerdydd.

Nid yw clwb Bayonne eto wedi cadarnhau ymadawiad Phillips.

Mwy Am y Stori Hon

Straeon Perthnasol

Gwleidyddiaeth

Pigion

  • Catrin BeardAdolygiad y wasg a'r blogiau Cymraeg

    Dyfodol yr Eisteddfod Genedlaethol, enwau Americanwyr enwog o dras Gymreig a dysgu Cymraeg i oedolion yw rhai o'r pynciau dan sylw.


  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.