Canfod corff dyn yn aber Afon Hafren

St Pierre Pill - photo by GH Myrtle Mae harbwr St Pierre yng nghysgod ail bont Hafren

Mae dyn oedd ar goll o long yn aber Afon Hafren wedi cael ei ganfod yn farw.

Cafodd y gwasanaethau brys eu galw ychydig cyn 11:00am fore Sadwrn pan sylwyd nad oedd unrhyw un ar fwrdd llong yn harbwr St Pierre ger Cas-gwent.

Dywedodd Gwylwyr y Glannau Abertawe bod perchennog y llong wedi bod yno nos Wener yn gwneud gwaith arni, a'i fod wedi cytuno i gyfarfod ffrind y bore canlynol.

Ond doedd dim golwg o'r dyn fore Sadwrn.

Roedd Heddlu Gwent wedi ymuno yn y chwilio, ac fe ddaethon nhw o hyd i gorff y dyn o ardal Swindon yn y dŵr am 1:55pm ddydd Sadwrn.

Dywedodd llefarydd ar ran yr heddlu nad oedd y farwolaeth yn cael ei thrin fel un amheus, a bod swyddogion arbenigol yn cynnig cefnogaeth i deulu'r dyn.

Gwleidyddiaeth

Pigion

Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.