Angladd ar ôl trasiedi arall i un teulu

Kelly Breese 18 oed oedd Kelly Breese pan fu farw

Straeon Perthnasol

Mi gafodd angladd merch 18 oed a gafodd ei lladd mewn damwain car ei chynnal brynhawn Sadwrn.

Ddwy flynedd yn gynt mi gafodd ei brawd, Casey Breese oedd yn 12 oed ei ladd pan ddisgynnodd gol pêl droed arno.

Roedd Kelly Breese mewn car Vauxhall Corsa pan darodd y car yn erbyn coeden yn agos i'r Drenewydd ym Mhowys 13 o Hydref. Er i'r gwasanaethau brys geisio achub ei bywyd mi fuodd hi farw yn y fan a'r lle.

Mi ddywedodd ei theulu ei bod hi wedi dod a "llawenydd a chariad i'w bywydau."

Mi oedd Casey Breese yn chwarae gyda'i ffrindiau ar gaeau chwarae pan gafodd ei ladd. Penderfynodd rheithgor mewn cwest mai marw'n ddamweiniol a wnaeth.

Mi ddywedwyd yn ystod yr achos fod y pyst yn "ansefydlog" a ddim wedi eu clymu i'r llawr.

"Trysori'r atgofion"

Mae swyddogion o glwb pêl droed Caersws wedi ymddangos o flaen y llys wedi eu cyhuddo o dorri rheolau iechyd a diogelwch yn sgil ei farwolaeth a'r achos wedi ei ohirio.

Mewn teyrnged i'w merch ar ôl y ddamwain angheuol dywedodd rhieni Kelly, Shan a Nick Breese: "Fel teulu mi ydyn ni yn galaru ar ôl i ni golli plentyn arall.

"Mi ddaeth Kelly â llawer o hapusrwydd a chariad i'n bywydau ni ac mi fyddwn ni yn trysori'r atgofion. Mi fydd eu chwiorydd Natasha a Laura yn cofio'r adegau da.

"Mae'r cyfnod yma yn un anodd iawn i ni, i'r teulu estynedig a ffrindiau agos. Rydyn ni eisiau amser i alaru ac yn gofyn am breifatrwydd i gael gwneud hynny."

Mwy Am y Stori Hon

Straeon Perthnasol

Gwleidyddiaeth

Pigion

  • Catrin BeardAdolygiad y wasg a'r blogiau Cymraeg

    Dyfodol yr Eisteddfod Genedlaethol, enwau Americanwyr enwog o dras Gymreig a dysgu Cymraeg i oedolion yw rhai o'r pynciau dan sylw.


  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.